Mahilig ako sa sale at mahilig ako manood ng movie, pero parang malayo sa loob ko ang bumili ng mga DVD o VCD kahit sale pa sila. Katwiran ko, sa malaot madali ay pagsasawaan ko rin naman. At ano ang susunod ha, matatambak lang at pagpagpagan ko ng alikabok?!
Subalit, ewan ko ba naman kung bat madali akong napapayag ng aking dalawang ka-chikahan na pumunta ng isang store kung saan ang bubungad sa iyo ay ang napakahabang hilera ng mga sale na DVD at VCDs na as low as P75. eh biglang nagkaroon stars ang aking mga bilugang mata at kumutitap ng bongga.
Dun na may bumulong sa akin… si safeguard ata, ipinaalala na may mga kakilala ako na nagko-collect ng original DVDs and VCDs. Then bigla umilaw yung fluorescent (akala nyo bulb no) sa utak ko. Hmmm… mahilig nga pala ako sa mga dance movies na minsan ay gusto kong panoorin muli. So pumili ako.Hep-hep teka, alin nga ba kukunin ko, yung classic favorites ko o yung gustong-gusto kong panoorin na di ko pa nakikita.
In the end dahil sa kakatipid at pagiging pihikan, lima ang nabili ko. yung apat nakuha sa buy one take one. Yung kaisa-isa na mahal na sa P150 sa lahat ng nakuha ko ay hindi ko na talaga pinakawalan. Bakit-bakit? Eh si Michael Jackson kaya yun, tas makukuha mo yun ng original na ganun ang price. tas may part sa puso mo nagdadalamhati ka pa. Di mo pa ba kukunin yon? Nasaan naman ang emosyon mo naman nun? Este ako pala.
Nga pala, nakikisampatya at nakikiramay ako sa lahat nagdadalamhati sa pagkamatay ni Michael Jackson (MJ). Siya lang naman ang isa sa masasabi kong magaling na performer na napanood ko at marahil ang pinakaunang dance guru ko. Yeah I like Billie Jean, Beat It, Thriller, Black & White, Smooth Criminal, moonwalk, anti-gravity lean, high kicks, stumping, and grabbing… (uhmm) with matching- electric fan- effect.
Kaya yun, baka magtuloy-tuloy na ako sa pagko-collect ng mga ganyang panoorin. Papagawa na lang ako ng film library na de-aircon, may mga frame ng pictures ng mga stars and with signature ito… then may viewing room pa na dapat 50” Plasma HDTV (may surplus ba nun galing Japan)…
okay Wency, pasok!
Wency: Hayaan mong lumipad ang isip sa lawak ng langit
Bitui’y umaawit at ito’y nagsasabing
Mangarap ka, mangarap ka!
Pambura't Lapis ni Ate Jevs! 