Nabasted: Paano harapin ang rejection?

Dear Ate Jevs,

Na-in love at po ako sa kaibigan ng Tita ko, at nabasted n’ya ako. Ano po bang gagawin ko?  Paano ba harapin ang rejection  sa love o pamba-basted na ito na nagkataon na first love ko pa man din?

Na-in love po ako sa kaibigan ng Tita ko, na itatago ko sa name na Amor.  Pitong taon  lang po ang agwat namin ni Amor.  Close po ako sa tita ko na  itinuturing ko ring ate. Dahil doon ay nababarkada rin ako sa mga kaibigan n’ya. Dito kay Amor, espesyal kasi  malambing, cute, at matalino. Iyon lang pagdating sa pag-ibig  palaging sawi. Kung bakit naman kasi nagmamahal s’ya ng mga maling lalaki.  Nakakatatlo na s’yang boyfriend, ‘yong isa pinaasa siya, ‘yong isa nambabae, at itong huli ay LDR sila. Naghiwalay sila dahil hindi kinaya ni Amor.

Bata pa lang ako ay may crush na ako kay Amor. Alam iyon ng Tita ko at tinutukso pa nga ako dati. Pero dahil  inakala nila na nagkaroon ako ng GF ay inakala rin nila nawala rin yung admiration ko.  Sa kabaliktaran ay lumalalim pa nga at inilihim ko na lang ito. Ako rin kasi nag-isip na baka crush, infatuation, o childhood love lang iyon naramdaman ko sa kanya. If ever na maging kami ay s’ya  talaga ang magiging first ever girlfriend ko. Kung mayroon man ako napagbalingan na ibang girls – MU lang.   Nagpapahaging na ako sa kanya before pero parang walang epek.

Sa tuwing nasasaktan po s’ya ay parang nasasaktan din ako. Gustong-gusto gulpuhin yung mga naging boyfriend n’ya lalo na iyong pangalawa.  Itong last nasabi ko na give up na ako ligawan s’ya.  Nakita ko gaano s’ya kasaya at mahal din naman s’ya nung lalaki.

Noong nagdesisyon silang maghiwalay dahil magtatagal pa yung lalaki sa US. Itong si Amor kasi may pagka-clingy din at hindi n’ya raw kayang maghintay pa.  Sabi ko that time, iyon na ang chance ko. Nilakasan ko na ang loob ko kasi may isa pang nanliligaw sa kanya na mukha rin manloloko.

Tinanong ko iyong tita ko, kung awkward ba sa kanya? Sabi n’ya oo, pero walang problema if ever na maging kami. Kaya lalong lumakas ang loob ko, kaso ang masakit ay nung nag-confess na ako ay agad niya akong binasted.  I try my very best to prove that I love her na hindi ito basta lang.  Iyong mga sinabi at sinasabi ko pa rin sa kanya kinimkim ko mula grade 10 hanggang ngayong nagtatrabaho na ako.  Tapos wala, sabi n’ya lang ay hindi kami talo at nabalitaan ko na lang na sinagot  na ‘yong nanligaw sa kanya na alam n’yang babaero.  Dati pa iyong boyfriend ng kabarkada nila ni Tita.

Ang sakit-sakit, I can’t compare it to any rejections na naranasan ko.

Salamat po in advance,

Ian

***

Dear Ian,

Alam mo ba na habang binabasa ko  itong letter mo ay feeling ko ay member ako ng s3*bomb dancers. “Laban-laban o bawi-bawi” ang peg ko, sabay buntong-hininga ng “awwwwww!” mga 7x ‘yon, hehehe. Kasi grabe ‘yang long-standing one-sided love mo ha, endangered specie ka na koyah!

Tatlo ang nakikita kong issue bakit nag-alangan si Tita Amor ( naki-Tita daw).

  • Nakondisyon s’yang kapamilya o kaibigan ka – friendzone
  • Yang 7 years na tanda para sa karamhan ng babae ay awkward – May-December love affair
  • In love din talaga s’ya siguro doon sa manlolokong-manliligaw-na-Bini-F n’ya. Tinanggap n’ya ang katotohanan e.

Gusto kong sabihin sana na “laban-laban!” kaso definitely “bawi-bawi” at “move on-move on” na ang sagot d’yan. May nanalo na e. Maghihintay ka ba ulit na magkahiwalay  sila o gusto mo ikaw ang maging dahilan na paghihiwalay  nila? Kung gagawin mo iyon, I don’t think na malaki rin ang tyansa na maging kayo ni Madam Amor.  Puwede siguro  balang-araw pero hindi ngayon.

Tips on how to accept rejection o pambabasted

Think that rejection is a blessing in disguise.   I believe she gives you a big favor nung binasted ka.  Why?  Parang may pattern kasi yung choices niya pagdating sa pakikipagrelasyon.  Gusto ata ni Madam ay pigaan-ng-puso love affair dahil sa tatlong bf n’ya ay hindi na pa s’ya natututo.  Na-jackpot n’ya na si Bf# 3, pero siya ang bumitiw.

Saka who knows din kung sino ba s’ya bilang karelasyon? Ang nakikita mo kasi ay Amor na kaibigan o Amor na iyong minahal. Halimbawa sa bf#1 n’ya, siya ba ay pinaasa o siya lang itong umasa . Baka balang araw nga ay ipagpasalamat mo na hindi ka naging bahagi ng listahan n’ya.

Believe you’re worthy to have someone/ something better.   Hands-down ako sa  pagmamahal mo at kung sa parte mo lang naman ay wala akong makitang  mabasang mali. I hope na ‘wag mong hanapan ng mali ang iyong sarili. Dahil ang kagaya mo ay deserved ng babeng better than Amor and worthy kang  mahalin. Yang pangre-reject sa iyo ni Amor ay sarili niyang opinyon, “and don’t represent the program, management, and the network”.   Buksan mo na lang love hot line mo tatawag ako, charr sa iyong matutuhan sa bagay na ito, sa ibang passion, o ibang tawag ng love. Baka nga matagal na nga s’ya kumakatok.  Nakasarado lang ang pintuan mo, may tatlo pang padlock.

Trust that you will reborn after ng pambabasted o love rejection.  Siempre wala naman nabasted, na-reject, o nakipag-break na hindi nasaktan. May mga moments din talaga na  pakiramdam mo “dead-end na.” Na tatanungin mo ang sarili mo ng kung anu-ano. Pero kahit alam mo  ang lohikal na sagot ay di mo nage-gets o ayaw mong ma-gets.  That’s normal, yeah know. Pero ika nga dapat daanan lang iyang phase na iyan, huwag tambayan.

Walang ibang makakahanap ng sagot sa iyong mga agam-agam kundi ikaw mismo. At madalas, hindi kailangan ng tanong at kahit na sagot- AGAD, para simulang mag-move on. Kapag inaksyunan mo ito hangang sa unti-unti mo ng matanggap ng buong-buo, lalabas ang Ian version 2.0. Better, bolder, Brighter pagdating sa love and relationship.

Additional tip, okay ang idea ng beginner’s mind when it comes to moving on and loving again. Kasi hindi lahat ng babae ay si Madam Amor mo, at hindi pare-pareho ang ipinapa-experience ng love. Siempre may masaya, positibo, at bongga.

Happy Valentine’s Day!

Nagkakape sa tanghali,

Ate Jevs

 

Advertisements

Paano ba maging positibo?

Dear Ate Jevs,

Paano po ba manatiling maging positibo o maging masaya sa gitna na puro kamalasan o kanegahan na mga pangyayari. Lately po kasi ay napapansin ko na lagi akong malulungkutin.  Iyong konting kibot nalulungkot ako at naiisip ko, bakit ko pa gagawin iyong isang bagay wala rin naman mangyayari.

 

Siempre may mga dahilan naman po ba’t nalulungkot ako kaya hindi ko rin mapigilan. Sa ibang banda, natatakot din naman po ako na masyado akong maging negative, na baka ako na pala ang nakakasakit sa iba o sa aking sarili. Ayoko naman po ma-depress kasi kahit may mga pinagdadaanan ako ngayon at  parang hopeless ay nangangarap pa rin ako kahit papaano.  Ano po bang gagawin ko?

Gumagalang,

Marietta

 

******

Dear Marietta,

Paano ba maging positibo?  Paano maging masaya?  Ang sarap sagutin n’yan kung nasa happiest place on earth ka o mala-cloud 9 situation. Iyong di mo pansin si inis, inggit, o awa sa sarili. Tapos iyong laman ng utak mo ay magagandang bagay na iyong nagawa, nakamit, at ikinasiya. Teka  kailan ko nga ba naramdaman iyan?

Pero alam mo kahit pala malas-malasin ka, paligiran ka ng mga bruho at bruha, at ang tagal-tagal naman ma-solve ng simpleng one plus one mo ay puwede pa rin pala kahit papaano makahanap ng positive signs and sides.  Narito ang tsika ni Ate Jevs mo:

Maging positibo sa pamamagitan ng…

to be humble and confident is …
(photo: a part of Via Crucis o Way of the Cross
Parish of the Holy Sacrifice UP Diliman

Don’t regret too much of something you already decided to let go.  May naka-chat akong ex office-mate na ang suwerte raw ng mga umalis sa office namin dati, at s’ya lang ang hindi.  Ang sagot ko sa kanya ay “there’s life after doon and there’s still life din pa naman doon. ”

Kung tutuusin kasi ay mula ng iwan ko ang kompanyang  iyon ay hindi  naman puro triumphs o failures. Roller coaster talaga!  May mga pagkakataon na negative at sumasagi sa isipan ko na what if hindi ako nag-resign. Parang stable na ako doon e. Pero sa bandang dulo pa rin ay maiisip at maiisip ko na mag-resign doon sa iba mang dahilan o pagkakataon.

Sa pagitan ng pagsisihin o hindi, kling na kiling pa rin sa no regret.  I’m happy sa mga naiwan at I’m glad sa pag look forward sa mga susunod sa buhay ko. Ang laking tulong kung matutuhan mong, Marietta ka,  na mag-move on agad lalo na sa mga bagay na tapos na.  Iwas lungkot at nega iyan, bagkus ay magiging positibo’t malawak ang iyong isipin. Ang focus mo ay iyong mga lessons from the past na magagamit mo na lang sa kasalukuyan. Parang kwento ni award-winning actress na si Gina Pareño na ilang beses na nadapa, pero nagbabalik na mas magaling at mahusay. Nagamit n’ya sa pag-arte ang kanyang mga pinagdaanan noon.

Stay away from negative people.  Ito ang mahirap na bahagi pero napakaimportante. Mahirap kasi hindi lang sa  kailangan gawin, kundi dahil hindi madaling ma-identify din kung sino ang nagdudulot ng nega at sadness pala sa iyo. Puwedeng iyong mga negatron ay  iyong akala mo okay, nakakatulong sa iyo, o may concern sa iyo… pero hindi. Kasi either may hidden talaga silang agenda o sila mismo sila ay may problema sa sarili nang-aano lang sila…nang karamay?

Live Brighter… Let Go Energy Vampires ni Hoshi ay nabanggit  na sa buhay pala para maging happy, successful, or positive  ay kailangan makilala at may iwasan/tagpasin ka sa iyong landas. Puwedeng sila ay ang akala mo kaibigan, always may tamang kamag-anak, tsikadora kapitbahay o kapamilyang puro pangda-down ang ginagawa.

Dalawa sa paborito kong tagpasin sa landas ko ay iyong mga friendly pero manipulative, at mga pa-victim (mentality) na kasalanan ng mundo bakit sila nagkakaganoon.

Maging Positibo dahil…

Your existence important, special, and blessing.  Napansin ko rin na isa sa nagpapalungkot sa mga tao ay  ang paraan nila ng pagpansin sa ibang tao. They either pro or against sa current, pero in the end mapu-frustrate sa  pakisama sa kanila.  Ang masaklap  pa doon ay they focus sa external factors,  pero in truth internal problem ang mayroon sila.  I am talking about mindset, accepting your personality, embracing strengths and weaknesses, at celebrating your uniqueness.

Puwedeng kuda ito sa iba, pero kung kikilalanin mo ang iyong personality (introvert, extrovert, omnivert, o ambivert) ay baba ang chance na malungkot ka sa  kaka-compare. Mas magiging positibo ka kung tatangpin mo kung ano ka at if ever kung ano ang willing mo ikumpromiso o baguhin.

No matter what other people say na ganun o ganira ka,  ikaw at ako ay may limitasyon. However we also have our own capacity to go beyond those limitations depende sa maturity, phase o level, or changes in our lives.  Lahat may pinagdadaanan, may mababa o mataas, pero walang taong walang silbi o saysay.  Nasa iyo if you want your life so meaningless, kahit idikdik ka ng ibang tao na ganun. Hanggang naniniwala ka na hindi-hindi-hindi-hindi, sorry na lang s’ya.

Alam mo ba na sa ekolohiya, kapag may isang mawalang species ay magiging imbalance  ang  buhay ng lahat ng living creatures?  Natutuhan namin ‘yan sa campaign para ma-declare na endangered species ang thresher sharks sa Cebu. ‘Di ba kung tutuusin ay wala na tayong paki sa sea creatures na yun dahil tilapia, bangus, dilis at galunggung ang kinakain natin.  Pero oo nga  naman, kapag wala ng sharks, whale, coral sa dagat ay may mag-o-overpopulate na species, may susunod na ma-e-endanger, at mayroon siguradong ma-e-extinct. Bandang huli damay pa rin ang tao. Mabuting mawala na ang pollutants at abusado sa dagat, kaysa mga dapat naninirahan doon ‘di ba? At hindi ka pollutant, ikaw pinaka-unique na specie sa balat ng lupa.  Paki-verify na lang ung badge. charrot!

What you think is what you do, what you show, and what you attract.  Sa totoo lang ang hirap pangatawanan ang katagang “Kapit lang” o “manalig ka lang.” Patience is really virtue kapag nasa crucial stage ka. Iyong kailangan mo na ng sagot sa iyong problema, ora mismo!  Tapos parang wala pa ring nangyayari o malabong maganap ang iyong hinihiling.  Mapapatanong ka na talaga, ano pa ba? Bakit ganito?

Subalit ika nga sa Matthew 6:27.

“Can any one of you by worrying add a single hour to your life?

So kung nega ang sitwasyon, umaksyon ng positive para umuusad ka rin going to positive side.   Iyang pagiging masaya ay choice at result din ng kung ano ang handa mong hanapin, hingin, at ipagkaloob.

Nagtatabas ng damo,

Ate Jevs

Kapag nagseselos, may love na ba?

Bago ko simulan ang selosan este ang liham tungkol sa selos (jealous) at pagmamahal ( love) ay gusto ko munang ipaalam ang ilang bagay. Una ay ngayong araw ang ika-10 anibersaryo ng blog na ito  at ng aking pagba-blog.

Kasabay po ng 10 taon na iyon ay pag-usad ng aking sarili  dahil na rin nagsimula akong mag-blog dito. Maraming salamat po sa lahat ng followers, readers, commenters, at kapwa ko blogger na naging bahagi ng aking journey. Simula ngayon po ay magbibigay-daan ako, Hitokirihoshi, kay Ate Jevs upang s’ya na bahalang mag-handle ng blog na ito.  Mababasa n’yo pa rin ang aking mga inilalathala tungkol sa business, career, travel,  arts and  culture, at iba pa  sa aking lifestyle website hoshilandia.com at tungkol sa entertainment sa In the E zonecropped-twitter.jpg

Para sa gustong lumiham o magbagi ng kanilang kwento  ay maaari kayong mag-email sa

hitokirihoshi@gmail.com.

Please take note na soon ay maaaring masama sa vlog ni Ate Jevs ang kanyang kwento. So…

ate-jevs
mighty & shining ate Jevz…no super power pero malakas magpayo

Dear Ate Jevs,

Mayroon po akong  bago-bagong kaibigan na lalaki na guapo, mas bata, at okay ang career. Actually hindi ko masabi na malapit na malapit ako sa kanya kasi magkaiba kami ng personality at career orientation. Basta nag-start ang aming connection dahil  mayroon kaming common friends na every day ay magkakasama kami.

Pero one time, may grupo ng mga girls na lumapit sa kanya.  Iyong isa doon ay  inamin n’yang crush n’ya. Iyong girl na iyon ay talagang maganda at mukhang sophisticated. Tipo bang ‘di naman nakakapagtaka kung maging crush n’ya.  I think ganoon din naman iyong mga kagrupo ng mga girls. Pero nagulat ako sa  naramdaman ko kasi nagseselos ako. Sa utak ko ay naiintindihan ko na wala namang masama at wala akong paki dapat. Di kami mag-dyowa pero ‘di ko maunawaan ang nararamdaman ko. Bakit ako nagseselos?

Monkey_looking - Copy
Kuha ni Hoshi sa Malabon Zoo

Tumindi pa nga iyon kasi lagi na s’yang kasama ng mga iyon. Kapag kasama naman namin s’ya ay bukam-bibig n’ya iyong mga lakad nila.  Kaya napapatanong ako sa  sarili ko, kapag nagseselos ka na ba ay may special nararamdaman ka na sa isang tao?  Para sa akin guapo ang kaibigan ko at good catch s’ya pero before pa nito ay ‘di ko naisip na baka crush ko man lang s’ya.

Sana po ay matulungan n’yo ako na mabigyang linaw ang aking nararamdaman. Ayoko ang ganitong pakiramdam at ayokong ma-awkward sa kanya. Wala din naman talaga s’yang ginagawang masama.

Luningning

Nagseselos lang, mahal na?

 

Dear Luningning,

Ahmm sa totoo friend, I feel you  naramdaman ko na rin ata ‘yan mga 3 minutes and ten years ago. charrot! In fairness napaisip ako kung mali o tama ka sa term mo na selos. Baka kasi insecurity lang ‘yan, gusto mo lang na ikaw malibre ng guapong boy___friend (may space ‘yan ha) mo, o nagroleta ang mood mo at oops tumama sa selos line.

Ang una kong naisip talaga habang binabasa ang sulat mo ay magkakape ba ako o soymilk after este may love naman talaga na ‘di pa buo. Nade-develop iyon ng dahan-dahan kapag mas nakikilala mo ang isang tao o kaya nati-trigger kapag may pangyayari na nasesentro ang damdamin at utak mo dun sa tao. You know naman tayong mga alta este busy persons marami tayong pinagkakaabalahan. May point na pati yung matinding damdamin natin na kailangan natin ibongga sa CR ay nakakalimutan pa natin di ba? 😛

Monkey_spotlight
Kuha ni Hoshi sa Malabon Zoo

Siguro nga mas matimbang na oo nagselos ka, pero hindi ibig sabihin nun na nagmamahal ka na rin sa kanya. Though karaniwan na ang mga nagmamahal at nasa  relasyon na ay nagseselos, hindi laging ganun yun.  Puwedeng part ng pagseselos mo ay insecurity mo sa ibang tao, territorial ka sa relationship mo sa kaibigan mo, at kababaan ng kumpiyansa mo sa sarili mo. Baka nga hindi ka lang nagseselos sa kaibigan mo, kundi sa girl din o pareho sa kanila. You see them na perfect sa isa’t isa kasi individually ay nagagwapuhan at nagagandahan ka ‘di ba?  If ako ‘yan , mga 22 minutes and 7 years ago, ang sumagi sa utak ko ay “baka kung kasing ganda n’ya ako baka niligawan ako ng mokong na guaping na ‘to e”  Kaya tara friend pa-parlor tayo este we need to feel confident and positive inside so we feel beautiful outside. Oh pak, English yun! Baka nga naging happy ka pa nga para sa friend mo o di ka napektuhan at all.  Pero sa tsika ni Gwendolyn Seidman, Ph.D.  sa kanyang “What’s Really Behind Jealousy, and What to Do About It” post ay mas malalim at mababaw pa na rason bakit nagseselos ang tao.

Gusto ko i-wish na sana ikaw ang ligawan ni guapong boy___friend  (the mat pag-asa pa ‘yan group date pa lang e). Pro bago ‘yan sana masabi mo muna  malapit na kayo sa isa’t isa at may pagkakatulad din kayo kahit wag na sa akin, sa sarili mo na lang.  In a way, ang good result ng tsika mo ay na-asses mo anf sarili mo.

Nagdecide na magkape kasi mas mura,

Ate Jevs

 

Monologue: If I Marry You…

I am always striving to become positive in my life because ,by default, we think negative di ba?  But marriage is something that’s hard for me to imagine so positive. Palaging may idea of separation, jealousy, affair,  and divorce.  Perhaps, I think like kasi galing ako sa broken  and complicated family. But  I believe in blessings, power of love, and good results of commitment.   So my dear future husband, here’s my message if I marry you:

I love  you! I will not marry a man for fame, fortune, and power. I don’t live in the standard of others. I don’t like a trophy husband. I like to spend my time with the person who I’m comfortable to talk to every morning, kiss anytime of the day, and hug every night. And I know this love makes me stay and fight with you through thick and thin.

I’m going to be your lifetime partner.   Sorry dear, I am not a sweet woman who gives you a movie-like gestures. I don’t usually do flower stuff, luxury gifts, and surprises. But you can expect respect, loyalty, team work, care, trust, and love from me. You don’t have to treat me like  a princess. First of all, I’m not from a fairy tale land. But we can be like anime characters – serious, hilarious, passionate, colorful, desire to join force, playful, rely on support of loved ones , and partnership. I don’t forget that we’re two different individuals with different strengths and weaknesses. And yet we complement each other.

You’re a  great blessing for me. I don’t believe in love at first sight nor love is blind. True Love for me is a blessing. It’s not something we can just order anytime or achieve out of mere perseverance. It comes, grows, empowers, and bind us together. And I thank God that He gives me a man like you who loves me for being beautiful with ugliness, confident with insecurities, and totally imperfect.

I commit my now and future with you. It’s not easy to change, but expect we’re going to evolve, be happy, and face future together.

With you, I now  believe that a happy marriage and family is so Real! 

 

 

 

Self-doubt: Paano balansehin ang pagiging humble at confident?

May mga  punto sa buhay ko na tinatanong ko rin  ang aking sarili kung  tama pa ba ang pagiging humble ko .  Iyon din kasi  ang  mga  panahon  na  ang pakiramdam ko ay  inaabuso ang  kabaitan ko. Kakaparaya ko ata ay parang may opportunity na para sa akin na napupunta sa iba.  Sa ibang banda, may time din na nag-aalinlangan ako kung  tama  pa ba  ang pagiging confident ko. Baka mukha naman akong mayabang na o nagyayabang na ba ako? So paano nga ba balansehin? Kailan mo masasabing tama na maging humble at confident?

Kailan ba ‘di okay ang  maging humble

It takes maturity, acceptance, maraming payo, mahabang pagbabasa, at art of deadma (ignore) para kahit papaano ay  mapagtanto ko ang bagay-bagay.

Naniniwala pa rin ako na malaking bagay kapag humble ka sa iyong ginagawa. Ang humility o pagpapakumbaba ay pagiging bukas sa kritisismo at payo, na nakakatulong para sa aking sariling pag-unlad.  Doon ko madalas in-associate ito pero kasama sa alam kong pagiging humble ay pakikisama sa kahit kanino. Hindi mo dapat tinitingnan ang isang tao dahil sa kanyang estado, edukasyon, anyo, at yaman.

Kaya naman kapag pina-practice ko ang pagiging humble ko, tapos hindi ibinabalik sa akin at bagkus parang masama pa ang dating ay apektado ako.  Buti na lang ay may  malupit na payo sa akin ang kuya ko na  tumatak sa kokote ko…

“Huwag mong ispikin (expect) na kung ano ang ginawa mo sa ibang tao ay ganun din ang gagawin nila sa iyo.

Sa bagay,  ang kabutihan ay hindi  palaging black and white sa lahat ng tao. Mayroon nagduda sa kabaitan ng iba, dahil sa  sarili nilang mga  karanasan at nakalakhang pananaw.  So kung ganun, puwedeng ang pagiging humble ko ay maaaring sign para sa iba na ako ay weak, balewala lang sa akin ang isang bagay kasi nag-give way ako, at oo, hindi kasi ako palaban.    May wrong signal din kung baga. Ayon sa  nabasa ko sa sinulat ni Mike MChargue sa  Relevant Magazine   minsan ay mali na rin ang  definition natin sa humility.

“Our quest for humility makes us pretend we don’t have strengths—to be ashamed of what we do well. Pretending you don’t have strengths leads to low self-worth, and it doesn’t actually help us be humble.”

So kapag binati ka na ang “galing- galing mo naman” o ang “guapo/ ganda mo,” sa halip na sabihin mo na  “hindi naman?!,” sabihin mo  radyo “maraming salamat.”  Hindi mo iyon hiningi, kusang ibinigay at pagrespeto sa  pagkilala nila sa iyong magandang katangian.

parish-of-the-holy-sacrifice-via-crucis.jpg
to be humble and confident is … (photo: a part of Via Crucis o Way of the Cross Parish of the Holy Sacrifice UP Diliman

Kailan ‘di cool ang maging confident?

Inalala ko ngayon kung nasabihan na ba akong mayabang (yung seryoso) kaso wala pa eh ( kinalimutan ko na siguro). Pero feeling ko imposible rin naman walang nag-isip noon, lalo na  “pasikat” o “akala mo kung sino.” Noong high school pa naman ay bibong  bata ako sa  mga  extracurricular activities. Pero alam mo mas kabado o naaawa ako ngayon sa mga taong  (esp. kabataan) tumatayo  para sa  kanilang pangarap.   Hindi  pa man buong-buo ang kanilang self-confident ay naba-bash na sa online world.  So kailangan  kapag sasali ka sa reality show,  maging youtuber, or whatever ay dapat may matindi kang wall.

Pero hindi naman ibig sabihin na kapag confident ka ay mayabang ka na agad. Nagkakatalo iyan sa kung talagang mayroon ka ng something o nagpapanggap ka lang. Kung ginagawa mo ang isang  bagay para sa tamang dahilan at hindi para angat ka lang sa karamihan.  Ayon nga sa Galatians 6: 3 -5 :

“If anyone thinks they are something when they are not, they deceive themselves.  Each one should test their own actions. Then they can take pride in themselves alone, without comparing themselves to someone else, for each one should carry their own load.  

Para sa akin,  ang hirap abutin ng isang pangarap,  bagay man ito o tao, kung wala  kang lakas ng  loob.   At para  magkaroon  ka  ng lakas ng  loob  kailangan mo ng sapat na kumpiyansa sa  sarili. Ang magandang isipin siguro  tungkol sa  confidence ay ito ay “faith in yourself.” Binigyan ka ng  Diyos ng gifts  at pagkakataon na gawin ang isang bagay, bakit  mo  hihindian dahil  lang sa  sinasabi  ng  iba? Ayon nga sa Romans 12:6-8:

“In his grace, God has given us different gifts for doing certain things well. So if God has given you the ability to prophesy, speak out with as much faith as God has given you. If your gift is serving others, serve them well. If you are a teacher, teach well. If your gift is to encourage others, be encouraging. If it is giving, give generously. If God has given you leadership ability, take the responsibility seriously. And if you have a gift for showing kindness to others, do it gladly.”

Mabuhay!