Breakaway From Negatives be Positively Sensitive

Gaya ng mga punto na sa sobrang marami akong gustong sabihin at halo-halo yung emosyon na nararamdaman ko.  Nahihirapan akong magsabi ng kuro about sa  Super Typhoon Yolanda.    Ang pinaka-sentro kasi ng bagyong ito ay kung saan din nagmula ang aking Nanay.  Though wala s’ya sa Pinas nung mangyari si Yolanda, ang tanging kilala kong mga kamag-anak ay nandoon, mas marami nga lang din sa bandang Guian Eastern Samar.

Ang good news lang sa akin ay may nakita na raw sa isa kong auntie na naging judge din sa aking blog life contest. Mabuti naman daw ang kanilang kalagayan. May “daw” kasi kami mismo ay hindi pa kami nagkakausap o alin man sa mga kapatid ko.  Sana ay okay naman ang kanilangt kalagayan at ng iba pa.

Siguro may dagdag na kaba, inis at  tensyon kasi kadugo mo yung mga nandoon.  Subalit, sino mang naging biktima ni Yolanda ay dapat na bigyan ng simpatya.  Tao sila na hindi dapat ipinagpapabukas. Hindi biro ang magutom, tumira sa kalsada, mabura sa mundo ang pinaghirapan mo at mawalan ng mahal sa buhay in a snap.

I still consider myself  na imbalido (kulang pa) sa pagtulong but let’s us continue to pray and help sa anumang pagkakataon- gaano man ito kalaki o kaliit. Don’t be sensitive sa mga bagay na wala rin maitutulong sa ating mga kababayan. Lagi naman may negative na ways, means, persons or situations. If you don’t feel like donating sa anumang government agencies , then don’t. Huwag mong hayaan na dahil sa asar mo ay hindi ka na tutulong. Or if galit ka sa isang part ng company, magagalit ka na sa kabuuan nito.

Yes, puwedeng even sa ganitong pagkakataon may greed, corruption, power trip or criticisms. Lilipas din sila (matatalo, mapapariwara at maglalahong parang bubbles) , at hindi dapat sila ang iniintindi natin sa puntong ito. Higit sa lahat, hindi ka isang blogger, worker, citizen, businessman, leftist, tambay o student – when you help , its because you are human.