When You Finally Say , “I Made the Right Decision”

candle Gusto ko sanang title for this post  ay how will you know if you made the right decision. Pero hindi na, bawat  tao naman ay may kanya-kanyang realizations sa buhay na minsan masasabi na lang n’yang  ‘ay tama pala yung nagawa ko’ kahit hindi naman iyon ang una niyang  plano. Kaya naman ngayon nangangati lang akong magkwento na baka maka-relate  o may opinyon ka sa isang moment na nasabi ko buti na lang naglakas-loob ako and “I made the right decision.”

Noong last week of June ay dumaan ako sa building ng dati kong pinagtatrabahuan.   Gaya ng dati nanumbalik yung mga alaala gaya ng:

  •  mag-isa akong kumakain.
  • nagmamadaling pumasok kasi traffic at maraming tao
  • yung spots na feeling ko mukha akong ewan at naghahanap ng puwedeng gawin
  • yung pagkakataon na malungkot na ako
  • yung pagkakataon na pinipilit ko ang sarili ko na kailangan ko ang trabaho na ito dahil sa sahod at  sa matutuhan ko.
  • yung mga sandaling nangangarap ako na magnegosyo at mag-freelance
  • yung gusto ko naman gawin yung mga hilig ko at hindi ako puro trabaho
  • at higit sa lahat magamit ang oras ko para sa mga bagay at taong mahalaga sa akin.

Definitely naman, wala akong sama ng loob sa company na iyon o sa mga kasamahan ko. It just that in my heart, give up na ako sa ganoong scenes o lifestyle.  Fast forward noong June…

Nasa bus ako noon at galing sa isang freelancing or telecommuting job nang dumaan sa lugar.   Alam mo yung medyo pumitlag ang puso mo sa tuwa,   gustong humiyaw ng kokote mo ng “MABUHAY,”  at sobrang thankful ka kay Lord dahil hindi ka niya pinabayaan sa journey mo. Kung di man tumagal iyon sa kahabaan ng avenue na iyon, sa buong biyahe ko pag-uwi.

 But of course, yung opportunities or dream ay hindi natatapos sa pagkamit ng mga ito. Dapat pinag-iibayo rin ang pagpapahalaga, pagpapatunay na karapat-dapat ka sa  mga ito at  pagbabalik ng gantimpala sa pamamagitan ng pagbibigay ng lahat at pinakamahusay na iyong magagawa.

Isa pa rin kasi sa  reason  ng pagpi-freelance ko ay  para masubukan  ko ng first -hand ang pagnenegosyo. Hindi ko kasi magagawa iyon kung kung full time ako , although sabi nila pwede  naman.  Ang idea ko kasi ay hindi lang magkaroon ng ekstra ng kita, kundi makabuo ng established company or  business. Nitong July; after months  of struggle  ng where I can get my business capital, if I am ready for this, or what; ay nakapuwesto na rin ako sa masasabi kong sarili kong store. Gustong-gusto kong ipangalandakan sa Facebook yung business permit ko hindi dahil sa yabang kasi yung tuwa ba na finally nagawa ko na… kahit nasa first step pa lang ako.

Well  matagal naman na akong nagsa-sideline business ( I offer Pampanga’s Best, Kettle Korn, LoadXtreme, Unified Products and Services at iba pa)  pero iba  ‘pag sarili mo ng ref, istante, mesa at puwesto yung pinaglalagyan mo.  Parang konkreto na,  hindi na lang siya lista sa papel.  Claim na nga ngayon,  ay hindi  na ako work from home kundi work from store.   Talagang pina-ayos kong combo ng home office at  semi store. Masakit sa bulsa at  nakakakaba rin kasi nga dagdag din ito sa intindihin ko. Pero sige susugal ako- parang freelancing din.  Kung magkakamali man ako, ngayon na! Para masagot na ang mga tanong ko, ngayon na!  At para matunton ko ang daan sa mga pangarap ko, agad-agad.

By the way, I find this bible verses, from James 1:6-8 , perfect for this post and for someone I know.

But when you ask, you must believe and not doubt, because the one who doubts is like a wave of the sea, blown and tossed by the wind.  That person should not expect to receive anything from the Lord.  Such a person is double-minded and unstable in all they do. 

 

5 of 7- Day Gratitude Challenge: Unexpected rewards for Courage

pundaquit-mt
pundaquit-mt

Mag-a-anniversary na ako bilang freelancer  worker / home based  business woman. Binalikan ko yung mga  post ko nung October 2013 and napansin ko na ini-encourage ko ang sarili ko na magkaroon ng courage dahil I know resigning from work is like mountain climbing.  Ngayon,wala  pa ako sa  destination ( status) where I want to be, but then again… this is a gratitude challenge and…

Work from Home is a  lifestyle career

Nakalimutan ko na yung first reason ko bat mas pinili ko ang mag-work from home / freelancing  kaysa mag-transfer sa ibang company  bilang regular employee. But so far, I’d like to stick with this  lifestyle career and what pushes me to keep on striving is the support I’m getting from my family and friends. Plus-plus na yung iba pang perks like I can work kahit di pa ako nagsusuklay at punit-punit ang t-shirt ko,  mas in control ako sa binabayaran ko and I don’t have to pay for the traffic na sinasayang ang 2-4 hours ng buhay ko araw-araw.

hughPero  dumadaan din ako sa adjustment emotionally, socially, mentally, and financially. Medyo exaggerated yung mental torture pero ganun e , I need to solve problem like SSS, Pag-ibig, at income tax because I want to and I have to if gusto ko maging smooth sailing ang  home-based career ko.  Sa matter na ito, I’m grateful for some  Filipino freelancers who are not madamot to share their knowledge. So far I attended two paid  seminars on Freelancing and happy ako sa result dahil  yung mga natutuhan ko ay magagamit ko. Investment ang education.

I’m still in the process of learning and discovering. Freelancing is full of uncertainties and challenges pero may mga blessings na dumarating.  Naalala ko yung training ko sa Canadian supervisor ko, polite siya pero super madetalye which is good by the way. Umaabot na ako sa point na teka nga bat ko pa pinagtatyagaan ito, kung alam lang nito na nakiki-computer ako sa kapit-bahay  namin na hindi ko close para lang makausap s’ya ( nawalan ako ng Internet Connection). Pero good thing I didn’t give up (kahit ilang brownout ang sumubok sa aking katatagan), marami akong natutuhan at na-enjoy.  Saka masarap yung ma-appreciate yung work mo.  Iba sa mga  naranasan ko before lalo na foreigner sila, in a way nai-represent ko ang mga Pinoy. chuz!

The challenges in doing Home-Based Business

To date, I’m into dealership at what they called serial entrepreneurship.  ang mga binebenta ko ( na sana interesadp ka ring um-order hehehe) ay Kettle Korn, Pampanga’s Best, Load Xtreme at Unified Products and Services.  Siguro isa sa tanong mo ay bakit pa ako nagnenegosyo eh may trabaho ako – jack of all trades?  Mahina ba ang kita?

I don’t know how will you take this idea but I will share it anyway. Nagtataka ako bat ayaw subukan magnegosyo o maghanap ng kahit anong sideline ng ibang Pinoy?  Wala akong makitang rason lalo na’t marami namang oras, may kakayahan at nakukulangan sa sahod.  Of course, there are acceptable reasons bat ayaw. In fact, baka  yung kinikita ko sa isang araw sa pagtatrabaho ay mas malaki pa sa  isang linggo o buwan ng kita ng isa o dalawang negosyo na pinapasok ko. And dagdag ko na rin yung mga failed investments ko. Siguro pinagtatawanan, kinakaawaan o  mukha akong ewan sa iba.

Alam mo ang common mentality sa mga nagnenegosyo  ay either sobrang high ang tingin sa iyo na akala nila may malaki kang pera o walang-wala ka na kaya naisip mong magbenta nang kung anu-ano.

Ayokong tumigil, kasi ayoko matigil matutong maging negosyante sa buhay.  Though failures hurt me pero I take them as lessons and motivation. So far my biggest lessons would be

  • choose you business partner wisely – because not all are into business or have business mindset.
  •  don’t focus on one group of customers – it’s important to market your products to as many, as far as often as you can.

And I’m  grateful for people who are patronizing my products whether  they strangers, family and friends.  I value their trust the way I value my precious time and effort. Thankful din ako sa mga nagtuturo sa akin (upline, downline, vendors,  companies ) whether they know it or not. hehehe.

on Freelancing, Homebased Business and Digital Marketing

Few months ago na-blog ko  status:  freelancing   ako ngayon which  shocked my former colleagues.  Then, I also  posted that I’m also into home-based business  na good thing ay  naka-earn ng interest sa iba. Hindi ko alam yang mga confession na ganyan ay puwede na rin pa lang form ng digital marketing.

Freelancing updates

isa akong mapamimbabaw kung sasabihin ko na hindi mahirap ang freelancing lalo na sa simula especially  sanay akong full time / regular  office girl sa Ortigas at Makati.  Kapag freelancer ka, walang HR and IT department-  bahala ka sa buhay mo.  Isa kaya ako sa hilong talilong nung bagyong Glenda.

Pero siguro nakapag-adjust na rin ako.  In fact,  parang ayoko na umalis sa bahay ng hindi kailangan at it fits din sa totoong ako –KURIPOT.  Iyong mga favorite na pang-alis ko rin  ay di na  nagkukulang ( kasi hindi na ako umaalis e) at sarap lang magwork naka- short na butas-butas.  hohohoh!

Ikinasaya ko rin yung naimpluwensyahan ko yung hipag ko  na mag-freelance or work from home mom at nagustuhan n;ya rin. Pero I’m not telling you  this freelancing thing just to say na join the club ka -it’s really scary at puwedeng hindi ito ang gusto mong career path. Pero kung usapang opportunity and growth mayroon talaga.

By the way, here is my confession on my freelancing life

Learning Digital Marketing

Napag-usapan na rin lang ang growth, dito na pumapasok yung aking  chance to learn more about Digital Marketing.  Actually blogging is a form of DM but yung term na ito ay broad pa.  Naisip ko pa nga na mag-take ng course pero so far happy ako sa seminar, webinar, events  plus self study na inaatupag ko. Ganun ko rin kasi natutuhan halos ang business  though siempre iba yung may formal education.

Sa ngayon,  I’m challenged to study video , email marketing and promoting Lancaster in Cavite.  Here’s my first attempt in creating video sa Youtube.

 

baka soon I will do vlogging  ( na ito ang topic ) and podcasting ( using this digital recorder not because I want to be famous but gusto ko lang i-explore and for passion- the same idea why I do blogging for years and advocating personal finance.

helps of Home-based Business

Dahil hindi pa ako natuwa sa risk ng freelancing, sumugal pa ako sa home -based business.  Though mas mahirap itong pangatawanan talaga ( I swear), I’m glad hindi ako natitinag at napagsasabay ko. Part din kasi ito ng aking money management at personal finance. Sample?

Imbes na patulugin ko yung pera na inilalaan ko pambayad ng utility bills ay ibinibili  ko ng paninda o ini-invest ko para may lumalabas pang kita ( this is like time deposit strategy) while waiting yung due date.   In my case puwedng load retailing or Pampanga’s Best / Kettle Corn dealership Sa tindi ng market ng prepaid loads imposible na wala kang kita sa Php2,500 load wallet especially kung tatrabahuin mo, marami kang customer at walang utang.