Divisoria

Ewan kong may kinalaman ang sakit ko (hinatsing-sinipon-sininat at inuubo) ngayon sa pagpunta ko sa Divisoria noong Saturday. Ang alam ko lang humihina na ata ang immune system ko. Dati-darati maangas ako sa mga sipon dahil hindi ako basta-basta kinakapitan noon.

Anyway,

Masikip, mausok, maraming tao at nakakapagod talaga ang mamimili sa Divisoria, Manila. Pero kung gusto mo talagang makamura ka at maraming mapagpiliang mga produkto, hindi ka magkakamaling magpunta roon.

Siguro isang beses sa isang taon ako napapadpad doon at madalas tuwing malapit ng sumapit ang Pasko. Doon kami namimili ni Manang Juling (na napakagaling sa tawaran) ng ipangreregalo, dekorasyon at anu-ano pa. At kapag nagpupunta kami roon

a. walang kahit anong abubot sa katawan. Hindi ko lang talaga kaya ang walang relo sa kamay. Then, isang CP lang ang dinadala namin, tas yung pinakaluma pa.

b. Suot ang pinaka-safe at pinakakomportableng damit. After all, kahit anong presko at ganda ng porma mo roon eh makikipagbakbakan ka lang naman.

c. Nasanay na rin ako magdala ng big bag na paglalagyan ng mga plastic na pinamili namin. Makakabili rin kayo noon na parang magaan na plastic cabinet hehehe.

d. Naka-body bag din kami ni nanay na kung saan, nakalagay yung pera, calculator, listahan, pamunas ng pawis, alcohol at etc.

Last year hindi ako nakapunta kaya nag-mall tour na lang ako sa Cubao. Hmmm okay naman din doon pero siyempre iba pa rin ang Divisoria. Noong Sat, for d first time, ay mga friends ko sa work ang kasama ko sa Divine.

toys from Divi
toys from Divi

I’m glad na halos ng inaanak ko ay nabilhan ko na ng gift. Medyo particular lang ako sa dalawang dalaginding ko ng inaanak kasi baka mag-inarts. Ang solusyon ay bigyan sila ng laruan na may pakinabang at dapat pinag-iisipan. In the end, P100 na laruan ang pinakamahal na nabili ko. Isang tip, mas marami kayong nabili sa isang store, puwede-puwede kayong humirit ng discount. Ganun na rin ang ginawa ko noong bumili ako ng ampaw na 10 isang balot. Dahil tatlo naman binili ko, ibinigay na lang sa akin ng P25. Di na rin masama di ba?!

2 for 150 shirts & 3 for 100 shorts
2 for 150 shirts & 3 for 100 shorts

Isa rin sa gusto kong bilhin doon ay mga matitibay at iba-ibang designs na shorts. Usually 3 for 100 ang shorts doon na okay na okay ang quality (lalo na roon sa nabibilhan namin ni Manang juling). Secret lang natin, yun ang ireregalo ko sa mga nakakatanda kong pinsan, hipag at kuya. Buhehehe

Idagdag ko na nga sana yung mga t-shirt na may mga nakasulat na 2 for 150 kaso ‘di ko saulo ang mga sizes nila saka baka ‘di rin nila trip. Pero bumili rin ako para sa akin, wala pang-asar lang! saka ‘di ba astig na ‘yon kung ipangbabahay mo.

Okay para sa iba ko pang pinamili eh akin na lang ‘yon. Hehehe dinamihan ko lang ang pinamili kong gift wrappers na balak kong ibenta ng 5 pesos isa, pag may sobra. Kahit na yung tatlo sampo eh, mabibili mo ata ng P9 sa mall.

%d bloggers like this: