Hangganan

nakakapagtaka na may taong akala mo naiitindihan mo pero yun pala ay ikaw pala ang hindi niya iniintindi. para bagang, kahapon lamang nagkakatuwaan kayo at tinutulungan mo siya pero dahil sa isang tao ay iiwan ka n’ya. pagkatapos, mararamdaman mo na lamang na handa ka n’yang isakripisyo alang-alang sa iba.

masakit pero sadyang ganyan ang buhay. kung tama ang wikang paraya, ‘yan ang dapat gamitin na linya. kung sa simula ay iniitindi mo siya, ngayon kailangan mo na rin siyang unawain. Pero hindi rin naman ibig sabihin na naiintindihan mo ay umaayon ka na sa hindi mo gustong ipinapakitungo niya. Pinapalaya mo lang ang sarili mo sa ideya na magkatulad kayo dahil ang totoo ay hindi.

Isa lamang siya sa mga taong kailangan mong makasalubong pero hindi mo makakasabay sa iyong patutunguhan. May hangganan ang inyong pagkikita at pagsasama. Mahirap siyang akayin dahil mahirap magsama ng taong, ayaw sumama at pahihirapan ka lamang sa iyong paglalakbay.

ganun din naman siya, kailangan niyang maglakbay sa direksyon na nais niyang tahakin. wag lang sana siyang madapa at magsisi sa bandang huli.  Dahil ang pagkakataon, minsan lang dumarating. at ang taong tulad mo ay hindi na babalik kagaya ng dati.

 

 

 

Morning Rush

Nagmamadali ako sa paglalakad

sa kalyeng papunta sa aking pinasukan

Nagmamadali ako sa paglalakad

sa kalyeng papunta sa aking pinasukan

Salamat na kahit kinakabahan

At baka ako atrasado  na sa oras

Maganda ang panahon

Tama ang sikat at init ng araw

Iilan pa lamang ang aking nakakasalubong

At nakikinig pa ako sa aking paboritong tugtugin

Pakiwari ko na sana ay ay nagdya-jogging lang ako

Kung hindi lang sa nakasalubong kong naninigarilyo

Walang nag-e-ehersisyo na sumisinghot ng usok.

Solitaire

Wala pang ibang games si Hugh Will (pangalan ng notebook ko) kaya sa ngayon kapag nababato ako, naglalaban muna kami ng chess at naglalaro ako ng Solitaire.

Kahit gaano ko ito katagal na laruin at ulit-ulitin ang Solitaire, hindi ko pa rin makuha ang right na technique para manalo. Kapag sinasabi ni Hugh na wala na akong magandang maimo-move magbibigay siya sa akin ng 3 choices (play again, restart this game and exit). Sa determinasyon ko na ma-solve ang pagkakasunod-sunod ng mga baraha, pinipili ko ang ikalawa. Kaya naman same na baraha ang sisimulan kong ayusin pero kailangan maalala ko ‘yong mga posibleng magandang move at baguhin ang mga pagkakamali ko.

The life you live is the result of the many choices you make in life.” – Dean Pax Lapid & Ping Sotto (Go Negosyo: 21 Steps on How to Start Your Own Business by Joey Concepcion).

Napagtanto ko na kahit gaya ng Solitaire na may tsamba-tsamba ang manalo,  hindi lamang sa kung ano ang ibinigay sa iyo ng kapalaran ang magiging depenisyon ng iyong buhay. Sa bawat desisyon na iyong pinipili dun mag-uugat ang mga susunod pang magiging takbo ng iyong laban sa buhay. Subalit, ang pinagkaiba lang ng Solitaire sa ating mga sarili ay hindi na tayo na puwedeng mag- play again o mag-restart ng game. Ang magagawa mo na lang ay magsimula ulit ng bago o kaya um-exit kapag talagang loser ka.

Pick 5

Okay for people asking me kung ano ang meaning ng aking drawing sa post kong I,” eto na ibibigay ko na. Maraming salamat nga pala sa mga nagbigay ng komento at doon sa iba na hindi pa nakapagbibigay ay…wala na, sarado na , boooh! ibibigay ko na nga itong interpretation di ba?! Hehehe!

Ang pamagat nito ay “Point of five directions”

hulaan?
hulaan?

Pwedeng tao o sitwasyon ang point na nasa gitna (siempre). Mayroon itong at least five things na pwedeng pagpilian o directions na pwedeng tahakin. Actually, ‘di ko sinasadya na ‘yong dalawang arrow (dapat lalagay ko ‘yong tulis pero naisip ko na ang direksyon ng buhay ay nagbabago so ‘wag na lang) ay mag-cross. Pero tama lang ‘yon kasi may part kasi sa buhay natin (este ako pala) na nagtatagpo talaga ng landas o nakakaapekto sa isa’t isa. Gusto ko na sana i-elaborate ‘yon kaso mas type ko na next year na lang. Basta ang clue ay isasama ko ‘yon sa future entry ko na THANKS 2009!

Samantala, hindi nga ba’t dumadaan tayo sa sitwasyon na feeling natin ay stagnant lang lahat at mayroon din namang na ang dami-daming nangyayari. Subalit, masasabi ring kapag may sinugalang bagay ay may nagsa-suffer na isang aspect at puwede din iyong parang since birth ay maaalat talaga ang pagkakataon.

now is the timeIba-iba ang approach natin sa nailalatag na sitwasyon sa atin. May sige ng sige at mayroon din namang mabagal kung kumilos. Ako, medyo mapag-isip akong tao (obvious ba?!). Gusto ko hanggat maaari ay inaalisa ko muna bago ko umaksyon. Ayoko atang sinisisi ko sarili ko, kasi nagpadalos-dalos ako. Iyon nga lang ‘di sa lahat ng oras ay puwede pang makapag-isip at kahit mag-isip din ay hindi mo talaga makokontrol ang posibleng mangyari.

Humahanga ako sa mga taong nangangarap at tinutupad ang mga ‘yon. Malaki o maliit, ang bawat achievement ay achievement pa rin. Hindi dapat pinapares sa iba at hindi dapat nawawalan. Honestly, dumating ako sa point na ayoko na mag-expect kasi napu-frustrate din naman ako pero pangit naman siguro kung pati ang umasa sa pag-asa ay mawalan tayo ‘di ba?

ice cream yan no!
ice cream yan no!

Kagabi napanaginipan ko na nasa isang forum ako, pick five (parang sa facebook lang no?!) ng kahit anong hit list na trip ko. Doon sa dream ko, naisip ko raw ‘yong bagay na iniisip o ginagawa ko kapag nai-stress/ napapagod/ nalulungkot at kailangan ko ng inspirasyon. Well ito ang mga ‘yon…(as in according sa panaginip ko at sa totoong buhay)

Five na nagpapawala ng aking stress o nag-i-inspire sa akin

  1. Family
  2. Friends
  3. Ice Cream
  4. Sound trip (sa isang lugar na ako lang ang tao)
  5. Videoke / Writng/ Films/ Dancing

Pansin n’yo ba na mahilig talaga ako sa “o,” “/,” at “at.” Ako ‘di ko napansin o nawala lang sa isip ko, puwede ring baka namalik mata ako at ewan ko nga ba.