Pinoy, masuwerteng matalino o masuwerteng madiskarte?

Isang araw tinanong kami ng aming college professor kung ano ang motto, battlecry o islogan namin sa buhay. Marami akong kaklase na nagsabi ng seryosong sagot na puwedeng pamosong quote o inimbento nilang islogan. Pero nung ako ang tinanong ang sabi ko ay “It’s smarter to be lucky than it’s lucky to be smart.” Nagtawanan ang ilan sa mga kaklase ko lalo na nung malaman nila na kinuha ko ‘yon sa anime program na “Samurai X.”

Puwedeng katawa-tawa nga ‘yon pero seryoso talaga ako sa sinabi ko. Buti na lang pinagpaliwanag ako ng aming professor kung bakit ‘yon ang islogan ko.

Nakakalungkot kasi isipin na kapag mahirap ka na nga, minamaliit ka pa.  Hindi ka na nga nakapagtapos ng pag-aaral o hindi katalinuhan, ipamumukha pa sa’yo na hanggang d’yan ka na lang.  Napakatindi nang paghanga ng marami sa matatalino at mayayaman. Wala namang masama doon, ang masaklap ay iyong mawalan ka ng pag-asa kasi ito ka lang.  Hinalimbawa ko ang buhay ni Manang Juling at ang kilala kong mag-asawa na mula sa mayamang pamilya.

Si Manang Juling ay isang probins’yanang namasukan bilang katulong. Sinikap niyang pag-aralin ang kanyang sarili habang nagtatrabaho. Hindi nga lang niya naipagpatuloy ito dahil siya ay nakapag-asawa at naging sunud-sunod ang kanyang panganganak.

Samantala, ang mag-asawang aking kilala ay nagtanan at bumuo ng pamilya. Hindi lang klaro sa akin ba’t sila nagtanan, puwedeng dahil buntis si babae o ayaw ng magulang nila sa kanilang pagsasama. Ang maganda lang ay pareho na silang patapos sa pag-aaral noong panahon na ‘yon.

Sa dalawang halimbawang binanggit ko, madaling sabihin na napakalaki ng tsansa ng mag-asawa na magkaroon ng komportableng buhay. Lalo pa nga’t ‘di naglaon ay tinanggap din ang kanilang relasyon ng kani-kanilang pamilya. Habang si Manang Juling ay nabalo nang walong taon pa lamang ang kanyang bunso at pansampung anak.

Pero ang nangyari, naging pala-asa sa tulong ng kanilang kamag-anak ang mag-asawa kasama na rito ang pagpapa-aral sa kanilang mga anak. Samantalang si Manang Juling ay nagsumikap na buhayin at pag-aaraling mag-isa ang kanyang mga supling sa pamamagitan ng pagpasok sa kahit anong hanap-buhay na marangal.

Napagtapos ni Manang Juling ang kanyang mga anak. May naging lisensiyadong dentista, nurse at Med Tech (medical technician). Mayroong ding nagtapos ng banking and finance, HRM (Hotel and Restaurant Management) at vocational courses na nagawang mangibang bansa dala ang kanilang lakas ng loob at kakayahan.

Maaaring sa simula ay may mga taong parang pinagkaitan ng tadhana at wala silang potensyal na umasenso sa buhay. Subalit, sino nga bang makapagsasasbi kung ano ang mangyayari bukas? Lalo pa nga’t wala namang ginagawa para magkaroon ng magandang kinabukasan.  Para sa akin, sa diskarte, positibong pananaw at determinasyon nating mga Pinoy tayo nagiging suwerte at hindi sa katanyagan, katalinuhan o kayamanan lamang.

Nakumbinse ko naman ang aking professor at mga kaklase sa aking paliwanag. Hindi naman na nila ako pinagtawanan bagkus ay may ilan pa ngang binati ako, lalo na noong sabihin ko na akong kaklase nila ang pansumpung anak ni Manang Juling.

When there’s sonata…

May iba’t ibang musika depende sa trip ng bawat tao – may metal, ballad, pop, jazz, standard etc. at asahan na may susulpot pang bagong uri nito.  ako nga ‘di ko alam dati na may bossa at standard pa pala. Basta ang alam ko, ayoko nakakarinig ng masyadong mabagal/malungkot o maingay na song kasi nalulungkot at naiingayan din ako.

Kadalasan ay nahahati sa lima hanggang pitong kategorya ang aking playlists gaya ng OPM, Oldies, Danceable song, English songs (usually love songs), loud or rock, foreign songs (as in Spanish, French, Taiwanese, Japanese and Korean) at inspirational songs (including Christian songs). Minsan may hinihiwalay ako na puro mga instrumental. Pampakalma lang like yung kina Bach, Beethoven, Maxim and theme songs ng Harry Potter, Twilight Zone and of course yung sa Winter Sonata.

Subalit ang gusto kong ibahagi ngayon ay ang mga awitin na nakapagbibigay sa akin ng inspirasyon. Yung tipong pakikinggan ko kapag nalulungkot ako, pinanghihinaan ng loob, at kung gusto kong mangarap o magtagumpay.  In no particular order, ito na ang mga songs na part ng aking playlist na either pinamamagatan kong “mind & “soul or “winspirazion.”

Ito ang kanta para sa mga nanliliit sa sarili at gustong patunayan ang kanyang kakayahan sa mundo na kung saan ang akala niya’y mahirap pasukin o baguhin.

  • Beautiful by Christina Aguilera

Well hindi naman ito para lang sa napapangitan sa karakas niya kundi para sa mga taong napi-pressure sa dinidikta ng ibang tao sa kanya. Maniwala ka lang na may abilidad, talento at sarili kang ganda na hindi pwedeng balewalain.  Gusto ko rin yung kanta ni Christina na “Fighter”, “Turn to you” and “Voice Within.”

Ito ang kanta na dahilan bat ako napasulat ng ganitong entry. Gusto ko sana ilagay sa panel kaso di ko magawa. Di daw kaya ng wordpress ang music code na may java sabi ng aking blog mentor.

Anyway,  ang kantang ito ay pwede sa mga kabataan at kahit theme song dun sa “Ako Mismo “at “Ako ang Simula.” Pakinggan na lang bat k nasabi.

  • A New Day Has Come and That’s the way it is By Celine Dion – ang maganda sa mga kantang ito ay ipinapadama ng mga ito na kailangan ng pagtanggap ng realiad at saka mo sabayan ang pag-inog nito. darating din ang pagkakataon mo para makabuwelo.

Well astig lang ni Celine nakatungtong talaga sa alapaap ha!

Honestly hindi ko pa napapanood ang Polar Express pero nagustuhan ko ang kantang ito. parang imbes na pagbigyan mo na pasukin ng negtibong elemento ang iyong isipan bat hindi mo muna i-enjoy ang life at hayaan ang sarili mo na mangarap.

Pwede siya para sa magsing-irog pero maaari ringi-interpret  na ang need natin ay SIYA.  Kailagan natin siya gaya ng water, hangin o ano pa man.

Hindi ko pa rin napapanood yung animated film kung saan theme song ito. pero every time na napapakinggan ito parang nadidiligan ang aking faith na kaya  ko maniwala sa imposible o himala.

Okay na rin yung mga kanta ni Mariah like yung “They Can’t Take That Away from Me” at “Through The Rain.”

Alam nyo kung ‘di pa naging winning piece ito ni Mau Marcelo (Philippine Idol ng TV5) baka di ko na-discover kung gaano kaganda ang kantang ito.  hmmm… tingin ko ay para ito sa mga babaeng nawalan ng identity dahil sa sobrang pagmamahal at gustong hanapin ang kanilang sarili. Ngayon kung gusto niyo banayad lang pero sing mensahe rin doon na kayo kay Karen Carpenter.  Pakinggan ninyo ang “Love Me For What I Am.”

  • Journey by Angela Zhang

Kung napanood mo na ang Taiwanese series na “at the Dolphin Bay” malamang ay aware ka sa kantang ito.  Noong una akala ko para lang siya sa paglalakbay mo para sa iyong pangarap pero na-realize ko na about siya sa pagbabalik loob sa Dios.  By the way ni-revive ito ni Aiza Seguerra sa kanyang international album.  maganda rin naman.

Gustong –gusto ko makagawa ng pictorial or music video about dito.  Kasi naniniwala ako na anuman ang ating relihiyon at sino man ang ating pinaniniwalaan, kailangan natin ng gabay para hindi tayo maligaw ng landas. Mahirap mamumuhay sa dilim ‘di ba?!

  • I see You Lord by Aiza Seguerra

Naku  talagang di nawawala at madalas nangunguna ito sa aking playlist  (well bukod kapag in-alphabetical).  Sobrang namo-move ang kantang ito na maghinay-hinay at damhin ang lahat ng pagpapalang natatanggap ko. Na ang presensya Niya ay nasa paligid din natin.

Marami pa siempreng laman yung playlist kong ito gaya yung kina Regine V., Don Moen,  Gary Valenciano, namayapang Michael Jackson, Tina Arena at iba pang local artists natin gaya nina Gary Granada (Kahit Konti at Balon), Butch Charvet (“Bilangin ang Bituin,” “Awit Para Kay Kleyr,” “Lumilipas kumukupas,” “Aasa pa rin,” “Nasaan Kaya Ako,” Hukom,” at “Tupang Ligaw.”)

Wahhh ito ang ilang kanta ni Butch… I’m glad meron na sa Youtube.

original version: