Alamat ng Perdible (safety pin)

oa11f816
outfit ni cute fairy

noong unang panahon may isang encantada na nagpaparoo’t parito sa ortigas. ang maghapon niya ay iginugugol niya rito para kumatha ng mga makabuluhang magic spells.

isang araw na deadma si king sun ay ‘di sinasadyang napigtal ang kanyang kasuotan dahil tumilamsik ang isang kandado nito. nag-panic ang encantada dahil ang kanyang powers ay limitado. Wala pang signal ang kanyang magic wand at kailangan niyang maglakad ng malayo matapos siyang makababa sa kanyang delatang karwahe.

mark03
robin's castle (sorry di nahagip ng cam ang many stuff)

pagbaba niya sugod agad siya sa kastilyo ni Robin, eh sarado pa. napangiti na lang ang cute na encantada dahil at least bukas ang tindahan na many stuff. subalit sa kasawiang palad, walang bagay dito na pwede niyang ipangdugtong sa kanyang napigtal na kasuotan.

sa kanyang kapoproblema, napapasok siya sa isang pook na nagpapadalisay. Pagkatapos mahimasmasan ay pumunta siya sa palikuran malapit dito. Napangiwi ang kanyang labi sapagkat mahaba ang pila ng mga aliens.

“paano ba ito? pigtal na ang aking kasuotan, mahaba pa ang pila. sana maayos ko ito!” hiling ng encantada.

oa4dx109
si Big Bro

ang totoo, medyo mahiyain ang encantada lalo na sa mga aliens. pero naisip niya ang sabi ng kanyang Big Bro, ” Kumatok ka at ikaw ay pagbubuksan, humingi ka at ikaw ay pagbibigyan.” alam n’yang baka walang tumulong sa kanya pero nilakasan niya ang kanyang loob.

nagtanong siya at ang unang alien na tinanong niya ay agad na tumalima. binigyan siya ng big and shining perdible. husto na para masolusyonan ang problema sa kanyang kasuotan.

safety_pin_300px
big & shining perdible

matapos magpasalamat sa alien at maikabit ang big and shining perdible, napagtanto ng encantada na kahit papaano ay may mababait pa ring alien sa daigdig at tama talaga si Big Bro.

friendly alien
friendly alien

mula noon ay nagdadala na siya ng perdible, hindi lamang para sa kanya kundi para makatulong din sa iba pang nilalang at aliens. Pay it forward kung baga.

Neneng Tantrum

Dear Ate Jevz

Kuripot man akong tao, hindi ko mapigilan ang sarili ko na bumili ng 2 ½ dosena ng Mister donut dahil sa aking katuwaan. Natuwa ako sa mga tao na naapektuhan ng aking pagiging emosyunal at aking pagta-tantrum hehehe…

Sa totoo lang, iniingatan ko na magpakita ng emosyon at isang pribadong bagay sa akin ang pagluha. Eh sa hindi ko na nga maampat dahil sumasabog na ako sa galit eh. Sari-saring kuning na rin ang nagrarambol sa jutak ko simula pa noong imbiernang Viernes.

Naki-jamming na nga ako sa trip ni manang juling tuwing weekend at kahit malayo ay dinayo ko pa ang aking paboritong simbahan, somewhere in San Miguel, Manila para lang mahimasmasan ang anumang nagrarambol sa jutak ko at nagpupumpiyang sa pupuhso kong ewan.

Pinipilit ko na pasukan ng positibong eklabu ang aking pananaw kahit papaano. Kaya naman bukod sa pag-a-eavesdrop kay Don Moen, Kelly Clarkson, Whitney Houston, Leann Rimes, Christina Aguilera at maging kay Mr. Pure energy Gary V eh tumira rin ako ng mga pamatay nina Celine Dion, Corrs, Carpenters, Gary V, Aegis at kung sinong anik-anik pa.

Subalit, datapuwat hindi ko akalaing lalabas si Neneng tantrum at muntik ng pumalahaw ng jiyak. Hindi ko akalaing na talagang tatambad sa akin ang pinakaayaw kong setup sa 2 taon na aking pago-Ortigas. Pastilan!

Mabuti na lang, kahit na may mga panalong dialogue akong narinig maraming tao sa aking paligid ang naantig sa aking pag-e-emote. As in halos lahat gumalaw, maging ang ibang personalidad (naka naman ) eh may I join sa kuning-kuning pero japortant na eklabu sa aking Carerina at sa entire group namin.

Jumundag talaga sa joy ang aking heart kasi wa akong narinig na reklamo kahit alam kong malaking abala rin sa aming mga big brothers ang mga kaganapan. Sa inyong lahat muchos gracias!!!!

Neneng Tantrum

Dear Neneng Tantrum,

Hindi masama ang maglabas ng sama ng loob basta alam mong nasa katwiran ka at wala kang jinajapakan na tao.

Masuwerte ka rin dahil naging positibo ang reaksyon ng mga personalidad sa paligid mo. Hindi ba, kanya-kanyang interpretasyon ang mga tao depende kung gaaano kalakas ang sagap nila?

More power Neneng tantrum sana ay maging mahinahon ka next time at go for gold!

Ate Jevz

Ba’t ako magba-blog?

At bakit naman hindi?

  1. may paglalabasan ako ng sama ng loob
  2. maku-kwentuhan ng mga istorya ko sa buhay
  3. baka gumana ang pagiging creative ko
  4. para in ako sa  mga friends ko. Lahat kasi sila mayroon na ako na lang ata ang wala.
  5. nahihilig na rin akong magbasa, eh di dapat magsulat na rin. Soon baka pwede na ring magsalita.
  6. baka may mabingwit akong additional friends
  7. para makatulong ako sa mga nawawalan ng ideas
  8. para pag wala akong testi sa friendster at multiply, eh may pagbubuntunan akong iba.
%d bloggers like this: