10 Most Popular Jobs in the Philippines

10 Most Popular Jobs in the Philippines.

Advertisements

Ang Pinaka Paboritong movies ni Vilma Santos

Kung papipiliin ninyo ako rati kung sino between Vilma Santos at Nora Aunor ang type ko, mas gusto ko si Vilma.  Dahil kasi iyon sa show niya sa GMA 7 na talagang may bonggang-bonga production numbers siya palagi. Eh mas hilig ko ang mga sumasayaw kaysa kumakanta.  Feeling ko kasi,  marami na ang magaling na singers at singer-singeran pero ang magaling at graceful sumayaw, napakabihira niyan.  Sa ngayon, kahit  kanino na  ako. After naman ako sa kabuuan ng pelikula at acting at hindi sa artista.

Nitong nakaraang linggo nakapanood na naman ako ng “Ang Pinaka” and ang kagandahan pa nito  ang mga paboritong movie ni  Star For All Season- Vilma Santos ang tampok.

Vilma Santos old photosIto po ang mga iyon:

10: Alias Baby Tsina (1984)

9.  Dekada ’70 (2002)

8. Lipad Darna Lipad (1973)

7. Tagos ng Dugo (1987)

6. Anak (2000)

5. Bata Bata Paano Ka Ginawa? (1998)

4. Pahiram ng Isang Umaga (1989)

3. Burlesque Queen (1977)

2. Sister Stella L (1984)

1. Relasyon (1982)

Ang pinakapaborito ko naman dito ay ang “Bata-Bata Paano Ka Ginawa.” Astig itong pelikulang ito, kahit sino sa cast wala kang itatapon. Sa lahat pinakagusto kong eksena ay nung tinatanong ni Albert (Ding)  si Vilma (Lea)  kung anong magandang luto para sa itlog- prito ba o laga?  Eh aligaga si mother Vi sa pagpapatahan kay Maya (Serena Dalrymple na wow na wow ako sa performance) kaya ‘di sya makasagot. Sa bandang huli nagalit si Ding… alam nyo sagot ni Lea?

Lea: NANG putang ina gawin mong manok!

Siempre winning moment at classic talaga ang acting nina Carlo Aquino (Ojie) at Vilma sa scene na…

Lea: Wala akong ginagawang masama

Ojie: akala mo lang wala, pero meron-meron

(Sampal ate VI with matching panggigil ng nguso at panlilisik ng mata!)

(Pasampal ka Carlo habang umiiyak then hinga ng malalim!)

I like it grabee.  Naku kung natutukan lang talaga ng kung sino man yang si Carlo A. talo pa niyan sana sina Piolo P, Jericho R, John Lloyd C. sa mga stars ng 2.

Bukod sa mangilid-ngilid din ang luha ko, lalong-lalo na iyong itinulak ni Claudine si Vilma nang ipinapauwi siya nito sa bahay nila noong naglayas siya, memorable talaga sa akin ang “Anak.”  Iyan kasi iyong pelikula na pinanood namin ni Manang Juling sa sinehan na kinain ata ako ng silya.

Ito ang eksena, nakapwesto  sa  medyo gitnang part ng orchestra sina  Manang Juling at Hoshi. Ang nasa screen na ay ang confrontation scene ni Vilma at Claudine kung saan sinabi ni VIlma: “Sa bawat paghithit mo ng sigarilyo mo… kung ayaw mo  sa akin, ayaw ko rin sa ‘yo!”

Manang Juling:  Tingnan mo nga nagagawa ng ina. Kahit anong sama ng mga anak nandiyan pa rin (medyo humahagol-gol habang sinasabi).  Ang anak matitikis ang magulang pero ang magulang….

eh akala ng tao inaaway ko ata siya, nagbulungan tuloy. Tas may narinig ako Grabe naman yang babaeng ‘yan! Hayun kinain na ako ng silya ko. Hahaha!  Akala siguro nila si Claudine katabi nila. (joke)

Yung ibang pelikula sa chart ay ipinalabas ng wala pa ako sa mundo kaya hindi ko masyado na maarok. Ito ay maliban sa “Burlesque Queen” na super renta ako before.. Yung “Dekada ’70” di ko naman pinanood kasi di ko trip, wala siguro ako pera noon. Sa lahat naman ng laman ng survey  naku- curious ako sa “Tagos ng Dugo” mukhang maganda siya e.

Hay miss ko na makapanood ng mga lumang pelikulang Pinoy.

Sana ulitin yung kina Sharon at Nora, maging yung kay Dolphy kahit napanood ko na sa Ang Pinaka.

Ang Pinaka’s top 10 Pinoy-Friendly countries

MATAPOS ang maraming Linggo, nakapanood na ulit ako ng “Ang Pinaka” sa QTV 11 na ang host ay si Rovilson Fernandez na.  In fairness, pinatutunayan talaga ng programang ito na tinatalakay nila ang iba’t ibang paksa bukod sa showbiz.

Sa kanilang September 7 episode ang top 10 Pinoy-friendly countries ang kanilang itinampok.

10. Spain

9.  New Zealand

8. Austria – mayroon daw 22 k + na permanenteng Pinoy na naninirahan dito

7. Germany – mayroon daw 42 k + na permanenteng Pinoy na naninirahan dito

6. Guam – mayroon daw 42, 986 na permanenteng Pinoy na naninirahan dito

5. United Kingdom – meron daw 52, 500 na permanenteng Pinoy na naninirahan.

4. Japan – mayroon daw 83, 303 na permanenteng Pinoy na naninirahan

3. Australia – mayroon daw 211, 664 na permanenteng Pinoy na naninirahan

2. Canada – mayroon 369, 225 na permanenteng Pinoy na naninirahan

1. USA– may 2, 271, 933 na permanenteng Pinoy na naninirahan (as of 2004) at 4 million + (as of 2007)

Totoo man o hindi ang data, nakakatuwa rin malaman na halos napapaligiran na ng mga Pinoy ang mga naglalakihang bansa na may magagandang estado ng ekonomiya at kultura. Nakakamangha na nalagpasan o kinakaya na ng ating mga kababayan ang diskriminasyon, pangungulila at pamumuhay sa piling ng mga dayuhan.

Kung ako ang inyong tatanungin, parte na talaga ng pangarap ko na mangibang bansa.  Minsan hindi na lang ito isang pangarap na tipong gusto ko lamang makapamasyal kundi isang option para masuportahan ang aking pamilya at gumanda ang aking karera.

Sa sampung nabanggit siguro pwedeng umabot ng 50 porsyento na makarating ako sa New Zealand, Australia at Canada.  Pakiramdam ko lang naman kasi may kamag-anak at malalapit na kaibigan kami sa tatlong bansang nabanggit. Kung papipiliin ninyo ako kung saan ko talaga type na magtrabaho, sa ngayon sa Canada  ako nakatutok.

sagrada-familia-front-barcelono-spain by Jen Syngkit
sagrada-familia-front-barcelono-spain by Jen Syngkit

Ilan naman sa pinangarap kong puntahan bilang turista ay ang Japan at Spain. Gusto ko lang matunton kung talagang may malaking orasan sa pinaka-main building ng mga paaralan ng mga Hapon, kung nasaan ang Shimabara, na lugar daw pinaghimlayan ng mga Kristiyano noon (Shougo Hamakusa story sa “Samurai X”), at didiskubrehin ko kung nasaan na ang mga bida ng  “Bioman” at “Maskman” etc. Sa Spain naman, gusto ko makapunta sa mga simbahan nila roon at paano mamumuhay ang mga Español.

Kung may isang bagay ako na naiisip kapag binabanggit ang Germany at Austria, iyon ang kwento ni Maria at ng pamilyang von Trapp. Oh ‘di ba talagang patawid -tawid lang ang istorya nito sa Austria at kay Hitler. Isa pa pala na naaalala ko ay ‘yong pelikula nina Michael Douglas at Melanie Griffith na “Shining Through.” Okay din lang sa akin na may magpapunta sa akin sa mga bansang ito.  Proud pati ako masilayan ang monumento ni Dr. Jose P. Rizal sa Germany.

Isa rin sa gusto kong marating ang United Kingdom. Titingnan ko kung anong laban ng Orasan ng Manila City hall sa Big Ben (hehehe!) Maramdaman ang panlalamig ng mga hari at reyna o ang pakikipag-usap sa mga Briton gamit ang aking waray accent. Chuz!

Sa lahat ng nabanggit  parang ayokong pumunta ng Guam. Para kasing puro negative  news ang nasasagap ko lalo na yung dalawang artista noon na nasangkot sa drugs at grupo ng mga sexy stars na nagbebenta umano ng aliw.  Pero ayon naman sa “Ang Pinaka” marami na ngang Pinoy ang  ninirahan at marami naman silang magagandang benefits na nakukuha roon.

Magkagayon man nais ko  pa ring libutin muna ang Pilipinas bago lumipad sa ibang bansa.  Gusto ko, pag napadpad ako sa ibang lugar kargado ako ng mga impormasyon tungkol sa ating bansa, partikular na sa mga tourist spots natin. Aba hindi naman ako papayag na sila lang ang may magandang bansa no! (please watch this video!)