Dream Message: Work Abroad, Hair

Dear Ate Jevs,

Napanaginipan ko po ang aking dating co-worker  who’s currently live and work abroad. Nag-uusap daw kami at naitanong ko sa kanya kung bakit nagdesisyon s’ya mag-abroad.  Ibinalik n’ya sa akin ang tanong at ang sagot ko sa kanya ay wala (pa) sa plano ko ang mag-abroad. Hindi sa ayaw na ayaw, pero gusto ko ay gumawa at paunlarin ang kabuhayan ko rito sa ‘Pinas.

Ang napansin ko lang ay parang nakahawi ‘yong buhok ko na may bangs at nakaka-distract sa pag-uusap namin. Pinansin ng kasama ko rin ‘yong buhok ko.  Okay naman po iyong pakiramdam ko sa pag-uusap namin. Doon lang ako slight na na-conscious sa buhok ko.

Sa totoong buhay po ay hindi kami close ng co-worker ko na iyon, pero  hindi naman kami magkaaway. Nag-uusap naman kami dati ng  mga bagay-bagay, pero may mga pagkakataon at topic na malabo namin i-open namin sa isa’t isa.

Ano po kaya ang mensahe ng panaginip ko?

 

Adela

 

***

Dear Adela,

Mukhang maganda naman ang ibig sabihin ng panaginip mo. Kung ano man ang sinasabi mo doon ay malamang din ay dikit ito sa katotohanan sa totoong buhay.   Pero kapansin-pansin sa paningin mo ang iyong buhok. Puwedeng simbolo ito ng mga bagay sa realidad na pumipigil sa iyo para ma-realize o mag-materialize ang iyong mga idea.  Kung baga nandoon ka sa alam mo na ang gusto mo pero nanatiling distracted ka.

Sa tingin ko ay maaaring may agam-agam ka rin sa iyong mga ginagawa  dito sa Pinas. Minsan naiisip mo na mag-abroad ka na lang kaya? Pero ako Beh,  tukuyin  at putulin mo muna ang mga bagay na nakaka-distract sa iyo.  Kapag sinubukan mo na lahat para sa kina-career pero waley pa rin,  that’s the time na isipin ang option na mag-abroad.

Yo!

Ate Jevs

Disclaimer: Hindi expert sa dream interpretation si Ate Jevs. Kung ano man ang ibinabahagi sa post na ito  at gaya nito ay sariling pag-aanalisa sa mga bagay -bagay na nakapaloob sa panaginip.

 

 

Dream Intepretation: Tindahan

Dear Ate Jevs,

Napaniginipan ko po na sa labas daw ng bahay namin ay may mga materyales na pang-construction.  Mayroon akong nakitang parang bundok ng semento, buhangin, at ilang kahoy.

Tinanong ko ang Mama ko kung para saan iyon. Ang sabi niya ay gagamitin daw iyon sa pagpapasara ng tindahan.  Ibig sabihin ay sesementuhin at gagawin ng pader ang harapan nito. Nagalit ako at nangatwiran ang sabi ko ay  alam naman niya na nandoon ang kabuhayan ko. Sana ay sinabihan n’ya ako na ganoon ang gagawin niya para sana ay tinuloy ko na lang ang full time job ko na kung saan ako nag-resign.

End ng panaginip.

Sa totoong buhay po ay self-employed po ako ngayon at may tindahan. Nag-resign po ako sa work ko sa Quezon City para masubukan ang magnegosyo. Ano po  kaya ang ibig sabihin ng aking panaginip?

Gumagalang,

Josie

*****

Isang tindahan sa Paoay, Ilocos

Dear Josie,

Ang panaginip madalas ay hindi malalim kundi  mensahe mula sa nilalaman ng iyong  subconscious mind at iba bang bagay ( puwedeng Divine Intervention?).

Ang tindahan sa iyong panaginip ay representasyon ng kinilala mong oportunidad.  Nagkataon ay sa totoong buhay ay mayroon ka na. Kung gagamitin ang materyales para isara ito at nagalit ka, ibig sabihin ay alam mo ang potensyal nito o kahit papaano ay alam mo ang halaga nito.  Nagawa mo pa ngang idahilan ang iyong pagre-resign sa trabaho na totoo sa realidad..

Ang mensahe ay maaaring naglalaro sa iyong isipan na isara ito o pinanghihinaan ka ng loob para ipagpatuloy ito.  Ipinapa-realize sa iyo ng iyong panaginip/ subconscious mind kung ano ang sakripisyo, dahilan, at simula kung bakit mo ito ginagawa. Nagalit ka ‘di ba at totoo ito, gamitin mo itong motivation para magpatuloy sa iyong business.

Umasam na malamigan pero nabentahan ng ‘di malamig na softdrinks,

Ate Jevs

 

Top Things in My Bucket List: 29 OF 31 DAYS BLOG CHALLENGE

Wow bucket list! Hindi ko na naiisip yang ganyang term pero sagana ako sa career, financial, and life goals. So pagsama-samahin ko na lang at iba pa.  Masarap din kaya mangarap nang tuloy-tuloy lang wala kang inaaalang pangit, negatibo o imposible. Ang sumusunod ay 10 lang pa lang sa maraming items sa aking listahan:

Travel to Japan – nauna pa ito sa Greece at South Korea dahil nauna rin naman ako nahilig sa anime kaysa Greek Mythology at Korean series.

Travel to Greece – Dagdag ko na rin sa tsika ko sa Greek Mythology ay ang Spartacus hehehe

Kuha ni Jen Syngkit

Have my Family – Kung napaplano man ito o hindi, siempre nangangarap din akong magkaasawa, magkaanak (2-3) o magkapamilya.

Mother and Child by Napoleon Abueva

Go Solo – Ma-try lang habang wala pang asawa at kung ma-afford ko. Na-try ko na rin mag-freelance at mag-business, ito yung next level kung baga. Gusto ko ma-try manirahan sa Baguio, Eastwood (Quezon City) o lugar na fresh ang paligid pero may access man lang sa pamilihan at maayos ang Internet connection. Hindi ko pa alam kung kaya ko mamuhay sa ibang bansa.

a tree house sa PMA, Baguio

Bonggang –bonggang Hoshilandia!

Host and produce radio talk show – Posible siguro ito sa podcasting pero okay din ako sa traditional.  Ayoko yung DJ type mas gusto ko feature o magazine show gaya ng ginagawa ko sa Hoshilandia.

Established business – marami akong ideas at nasubukan, kailangan ko na lang talagang i-all out na. Hopefully company na maayos either as a solopreneur or partnership with my sister.

To become a best-selling book author or independent film screenwriter –   Actually okay na sa akin ang makapaglathala lang ng isang book. Pero bakit ko naman masyadong ili-limit sa ganoon di ba? Ito-todo ko na! 

Aware ako sa works nina Paul Soriano, Jose Javier Reyes, Michiko Yamomoto, Chris Martinez (Ang Babae sa Septic Tank), Roy Iglesia, at Ricky Lee.   Siempre gusto ko rin mag-mainstream kaso para mas may freedom at leveling ay sa independent film industry ko gusto mag-start. Mas type ko  makagawa ng istorya na comedy, fantasy and action…ako na lumaki sa anime.

To become financially at peace – Though na-mention ko ang maging millionaire, it just a level/ point to beat para may deadline or measurement.  The ultimate financial goal for me is to enjoy financial freedom.  Kung pagbibigyan ako na maging bilyonarya, why not? Pero ang gusto ko lang ay if something happens good or bad and opportunity or adversity may madudukot naman ako para sa akin at sa pamilya ko. I hope money works for me, not the other way around. Wala akong balak na maging alipin, maging ganid, at masilaw sa pera.

Ma-meet and greet in person sina Henry Cavill, Ariel Lin, Jang Nara, Lea Salonga, Kristen Stewart,  Kate Winslet, Jennifer Garner, Warren Buffet, George RR Martin, and  JK Rowling.

 

Last time I Cried: 28 OF 31 DAYS BLOG CHALLENGE

Bihira ako na ako umiyak at minsan kung  kailan pa ang babaw ng isyu.  Pero para sa akin mainam sa akin na  tumatangis ( magamit lang ang word)  ‘pag  nagdarasal kasi  feel ko ang gaan na ng pakiramdam after. Pero sa dami ay the last time I cried na naalala ko iyong tampo ko sa buhay. Hehehe.

Itong kwento ko ay tapos na at kung baga wala na akong gustong sisihin. Kung baga ay naka-move on na ako at aAyoko na lang sana maulit pa. Ikukwento ko na rin ito dahil sa challenge at para sa kapwa ko mahal kong__k.

Ganito kadaming luha? (Traditional Korean Jars)

Personally, ayoko ng nagkukumpara kasi alam ko dun nagba-bonding ang magpipinsan na jealousy, frustration, insecurity, at discontentment.  Kaya siguro tinatyaga ko rin magsipag at ipagpatuloy i-appreciate ang maliliit na blessings na mayroon ako.  Iyon nga lang minsan, hindi maiiwasan kapag  malapit sa iyo ang involve  at wala sa hinagap  mo yung scenario ay sakit-sakit

Hindi po ako nagmamalinis at maaaring may mga nakaligtaan akong pagkakataon. Pero sa buong tanan na nagtrabaho ako ay wala akong matandaan na humiram ako sa N_ ko na Php 1000 o lalagpas doon. Pero dahil sa isang proyekto na  gusto ko sanang matapos kaagad ay nanghiram ako ng Php10, 000 na ipinangako kong babayaran ko agad. Nasaktan lang ako dahil sa unang pagkakataon na ginawa ko iyon, pinabayaran sa akin ng less than a week at medyo forceful pa. Kaya nga ako naghiran e, hindi lang sa kinakapos ako ng pera kundi time lang din. Sa mga nakakakilala sa akin, alam nilang hindi ako ngangungutang at baka ako pa nga nagpapautang.  So nag-start na ako ma-frustrate at mag-compare dahil sa ginawa ng N_ko.

• Bakit iyong iba umaabot ng Php50K -150K plus at taon na binilang ay baka hindi pa nakapagbayad sa kanya ay napagbigyan n’ya?
• Iyong proyekto ko halos directly ay para rin naman sa amin kasi kabuhayan yun.
• Ako naman lagi taya, at sa ganang akin ginagawa ko rin yung responsibilidad ko. Hindi ako humihingi kundi nanghihiram. Hindi ako lalapit sa kanya kung alam kong wala. Hindi ako mamimilit kong ayaw ng tao. At klaro kong sinabi na isang buwan ay mababayaran ko. Gaano ako kasigurado 100%.

Napuno ako kasi siguro three days pa lang after ko na mahiram yung pera ay pinilit niyang makuha ang Php6000 sa umaga. Nagulat ako bakit ganun pero since sakto may naitabi ako at para mabawasan agad ay deadma na ako. Pero pagdating ng gabi ay pinipilit n’ya ulit akong kuhanan ng Php 2000. Biruin mo in one day Php 8000  at wala pang isang linggo? Sa inis ko ibinigay ko na rin ng Php 2000 kinabukasan nang umaga. Iyong iyak ko noon dahil natanong na lang ako ng kuya ko e at napakuwento kasi tahimik ko na. Naawa na lang din ako sa sarili ko dahil alam ko nangarap lang ako. Ang ganda ng intensyon ko, at  ngayon lang ako ever nangutang sa N_ko.

Ang dami kong gustong isumbat, kabilang na yung time na nagbabayad ako ng utang n’ya na hindi ko naman ininda at wala akong intensyon na pakinabangan ever.  Iyong inis, galit, at ano pang emosyon na may kinalaman sa sama ng loob, iniyak ko na lang.  Aral na lang siguro na hindi na ako hihiram sa kanya hanggang maaari. I guess the values of this story were at the end of the day ako rin tutulong sa sarili ko, kapag may pangarap ako  ay paghandaan ko na lang nang todo, and gritty rin pala ako.  Sa huli na-delay lang yung proyekto pero natuloy ko pa rin.  Nasaktan na ako lahat pero hanggang gusto ko deadma tuloy ang pangarap!

Where I want to be in 10 years: 20 OF 31 DAYS BLOG CHALLENGE

Salamat sa tanong na kagaya ng “where I want to be in 10 years” naiisip ko yung ganitong bagay nang may lalim. Hehehe! Though ambisyosa ako, mas ma”present person” ako  at    para sa akin magkaiba ang goals sa wishes sa dreams at sa prayers. Labo lang eh ano? Pero totoo! Napag-isip-isip ko rin kasi na as long as hindi mo itinuturing na priority ang isang bagay ay mas lalo itong malabong mangyari.   Pero may mga  pagkakataon din naman  na talagang ipagpasa-Diyos mo na lang.

Ang unang apat ay ang mismong nakasulat sa  journal ko na ginawa ko noong January 2016 pa.

In own my house and lot –   napapaisip din ako kung kailangan ko bumili ng house and lot o hintayin ko munang magkapamilya. Ano yun, patitirahin ko na lang yung lalake ng libre [nagger tone]? Hehehe! Pero gusto ko rin talaga magkaroong ng sariling bahay kasi  10 kaming magkakapatid. Baka kulangin iyong lupa namin kung magsasama-sama pa kami sa iisang lugar ‘pag nagkapamilya kami lahat. Imagine kung bawat isa sa amin ay may 10 anak din? Hehehe Republika na ito. Saka gusto ko rin iyong thought na may sarili akong mini-library, studio, home office, garden o mini farm, at duyan. Take note pangarap ko pang bahay ay tree house with hanging bridge.

[With] my own family –  Para sa isang gaya ko na mula sa broken family at maagang naulila sa ama, hindi naman siguro sobra ang mangarap na magkapamilya ng buo, masaya, at financially stable.  Iyong  lalake  magiging mister ko feeling ko kailangan mas matanda sa akin at baka hindi Pinoy. Kasi unconventional Filipina ako kaya kailangan ng espesyal na pagmamahal…charrot!  Gusto ko  dati limang anak  para Power Rangers, pero kahit 3 na lang na dalawang irihan.  Siempre isa dun twins bleeeh

[While counting my] 2 million liquid assets – Siguro naman sa kakuriputan at kasipagan ko sa buhay, kasama na ang kadramahan ay  puwede namang maging milyonarya sa loob ng 5-10 taon. Iyang 2 million ideal na minimum pero kung kaya pang i-push ng mas mataas why not? Usapang liquid pa lang ito, wala pa yung mga real estate, passive investments, business etc.

[before packing our things for our] Travel in Europe – Sa totoo kahit Greece at Japan lang solve na ako. Pero dahil 10 years naman ang ipunan, siguro naman keri naman na makapag France, Spain, Italy, Switzerland, Sweden and Denmark,  Belarus [wala nakita ko lang] at iba pa.

Dagdag…

Wala na akong maisip kundi siguro dagdagan na lang iyong travel, pero ‘wag naman asawa at anak.   Okay ako magdadag ng dami ng kasalan … pero sa iisang tao. Naks! Puwede naman civil muna, then sa church, then sa garden o beach ganern!