Masarap umupo sa unahan ng jeep or FX. Okay na okay rin ang umupo sa tricycle kung saan sumasakto ang pwet mo at umiindayog kapag idadaan ng driver sa humps ang kanyang mga gulong habang ‘di naman malaman kung saan direksyon ipinapadpad ng hangin ang mga hibla ng iyong buhok.
Pero ang isa pang nakakanakaw ng eksena, bukod sa beautiful scenery ng traffic, ay ang tumatangong-tangong aso o tiger na display ni manong sa unahan. Subukan mong gayahin at tiyak hindi mo na mararamdaman ang traffic, kahihiyan na lang. hehehe.
Pero okay din ang mga drivers o may –ari ng sasakyan na sa tula inilalabas ang kanilang imahinasyon. Tamo, makakakita ka ng mga stickers na may caricature na babaeng nakabuyang-yang o guhit lang ata ang saplot sa katawan then may mga quotes pa.
“Basta driver, sweet lover”
“Driver na may bigote, magaling sa diskarte”
“Pag pangit doble (bayad), pag maganda libre, pag fungi patay (ads na ata ito)
Sobrang naaliw ako one time sa isang tricycle papuntang ecopark. Kabit-kabit talaga ang mga saying niya na nakapaskil at okay na okay ang mga rhyme huh! Sana lang nga eh nakunan ko ng picture.
Naisip ko tuloy, ganun ba ka… si manong. Pero in fairness talagang agaw pansin ang mga nakadikit na stickers. Pero teka pwede bang gumawa rin ako ng quotes para sa kanila?
“Driver na kaskasero sa kubeta ang diretso”
“Jeep na punong-puno ng pasehero, may driver na nakakalbo”
“Driver na ayaw magpasabit, galit sa may anghit”
“Pasaherong tutulog-tulog, nagdadrama sa konduktor” (teka pang bus pala ito)
“Gwaping na kasakay, kay manong gustong umakbay”
“Lalaking bumubukaka, nasisikipan ang kargada (hmmmp)
“Babaeng nanahimik, naninikip ang dibdib” (hmmp ulit)
“Taong maalahas, sa magnanakaw malakas ang hatak”
“BARYA LANG SA UMAGA, kung ayaw mong mabanas mag-hapon”
“BAYAD MUNA BAGO BUMABA, dahil ‘pag hindi itutumba ka” (joke!)
“Pasaherong aanga-anga at “ha ng“ha?’, may nakasukbit (kasi) sa tenga
“Ang nagmamadaling sumakay at bumaba, nanlaslaslas ng bulsa”
“Batang bulakbol sa pag-aaral, nagiging estudyante sa jeep” (charot!)
Yun lang!
hmmm umariba na naman ang iyong mapaglarong imahinasyon….i just love this entry..magaan ang feeling!
…ang pasaherong umutot sa dyip ang mauunang magsabing : baho naman!
ahahahahahha…pwede na ba!
salamat naman at napagaaan ko ang inyong feeling!
pwedeng-pwede na po ‘yan! dahil totoo yan (parang may personal experience no?!)
mabuhay!
Ibang klase ang hirit mo.
Pati ba naman pagtango ng mga aso, hindi mo pinalampas. hehe
heheh… wala natuwa lang ako, iyon ang mga binabsa ko habang gumugulo ko sa tricycle. hehehe
oo naman hindi ko sila palalampasin. iisa lang galaw nila, madaling sabayan.
haha..ayos!
paunahin mo ng sumakay ang mga lalaking nakikipag-unahan sumakay….magsasaing pa yan! 🙂
ah ganun ba sige, pauunahin ko na nga lang at baka tamaan pa ng mga kumander.
how could you forget this:
GOD knows HUDAS not pay.
sorry naman Raft3r, nakalimutan ko ang favorite line sa iyo ng driver este quote mo pala. hehehe
mabuhay!
nyahaha
di ko sinasadyang di magbayad
sa sobrang aliw ko na makipagkwentuhan ke manong
pagbaba ko ng jeep nakalimutan ko na magbayad
hehe
lulusot ka pa eh. kala mo naman paniniwalaan kita. eh nagawa ko na ‘yan no. hehehe joke-joke lang
“Ang nagmamadaling sumakay at bumaba, nanlaslaslas ng bulsa”
Oi hindi ako nanlalaslas ng bulsa
late lang kaya nagmamadali. LOL
Ayos ang gagaling masmaganda pa mga sayings mo kesa sa originals
salamat at nagustuhan mo ang mga imbensyon ko. hehehe!
sorry naman, sa bagay lagi rin naman akong nagmamadali at ‘di nangnenenok.
lagay ako part 2 ibang bersyon naman. hehehe