Mga Marka

, , , ,

Matagal kong pinag-isipan kung magpapa-brace ako. Sa lahat ng rason na nakalap ng kokote ko para mag-decide na ay hindi naman nangibabaw na pangporma ito. Mas lalo pa ngayon na napatunayan ko ang mga sakripisyo kapag may mga bakal sa ngipin.

  1. ang mahal! Dahil alam ko naman na hindi ito cash na binabayaran, naglakas loob na ako. Sa ngayon, wala pa ako sa kalahati ng total amount na napagkasunduan namin ng aking dentista. At wala pa akong hiningi na kahit ni isang sentimo sa magulang ko.
  2. hindi makakain ng maayos. Ang una kong sinubukang kainan nung ikabit  ang braces ko ay squid ball. Resulta? Napamura ako sa sakit. Next kong sinubukan ang saging. Resulta? Napamura ako sa sakit. Nung tiniyaga kong pira-pirasuhin ang adobo, tanggal ang isang kalawit.
  3. hirap linisin. Bukod sa mahal sa ordinaryo, mahirap hanapin ang toothbrush para sa may braces at isa-isang ngipin ang kinakaskas ko para malinis.
  4. walang social life. dahil alam ko rin lang naman na hindi ako makakain nang maayos at pantawid gutom lang ang mga kinakain ko, ako na nagsasabing ayoko lumabas.

Sa mga unang nakakaalam na mayroon na akong braces. Okay akong kutyain pero kapag inuulit-ulit medyo nakakairita na rin talaga. Parang ang dating yung perang inipon ko ay kung saan ko lang pinulot at ni-convert ko pa sa pangporma. Nagpa-brace po ako kasi KAILANGAN.

Pero kahit anong sabihin ng iba at sa mga sakripisyo, hindi ko pinagsisihan ang aking desisyon. Nakaka-survive naman ako at nakikita ko ang ilang benipisyo.

  1. pumayat na ako. marami ang nagsasabi nyan sa akin. pero ako mismo nararamdaman ko na ang dating masisikip na damit ay nagluwagan na.
  2. nakakatipid na rin. Although kailangan ko talaga mag-ipon para sa babayarin.  Mas nakakatipid talaga ako dahil hindi na ako nag-a-attempt na kumain sa labas. Kung kakain man sobrang piling-pili.
  3. mas nakakapagbasa. dahil walang distraction na paglabas, makakahanap ka talaga ng panahon para gawin ang mga lagi mong ipinagpapabukas.
  4. mas nakakapaglinis – actually same reason ito sa no. 3 pero  ang idagdag ko lang ay kapag naglilinis ka na may braces ka. Feeling mo kailangan gumaan ang paligid mo. (oh mino-motivate ko lang sarili ko?) kung hindi makapagkitaan ay dapat gumawa ng paraan para makatipid.
  5. mas nagsasalamin na ako – tawa ka, pero totoo yan.  Ang salamin ko lang kasi ay ang salamin sa kuwarto ko o salamin sa office namin. pero ngayon nakaka-conscious na baka may nakasabit sa ma ngipin ko. hehehe