P for Patience

Mga Marka

attitude, patience, peace, prosperity

Kung mukha akong pasensyosa o kung sinasabi kong nagpapasenysa ako, sa maraming pagkakataon talaga ay ginagawa ko lahat ng makakaya ko para magpasensya. May mga point na talagang isinasama ko ‘yan sa mga panalangin ko.

Patience: Peace

“He who knows patience knows peace.” unknown author (source: dictionary.com)

Coward daw ang wag magsabi ng iyong saloobin lalo na kung feel mong dehado ka? eh paano naman kaya kung yang feeling mo ay sa sarili mo lang opinyon and in fact, kung logic lang ang pag-uusapan amanos lang kayong dehado or mas siya (kung sino man siya) pa ang talo sa ‘yo.

Hangaga’t maaari ibinabalato ko na sa iba ang maliit na pagkakamali,attitude at kabalahuraan nila. Nakakairita, oo, pero kapag ang tao may matinding emosyon para ka lang tandang na sasabong sa kanya.  kung nagpapadyak ang isang babae sa likuran mo habang sumisit ang bibig at nakalamusak ang mukha… puwedeng kanina pa ihing-ihi yan sa biyahe naunahan mo pa.

Kung wala kang patience, mahirap siguro ang makahanap ng makakausap, makakasundo,makakasamang kumain sa break, makaka-partner sa project at makaka-relasyon.

Patience: Prosperity

Naobserbahan ko lang ha, may mga tao na gustong yumaman pero wala namang tiyaga na gumawa ng paraan para matupad ito. Ayokong, i-judge ang isang taong nakilala ko kamakailan pero I think yong impression ko sa kanya ang perfect example dito.

Kini-claim niya na halos lahat ng puwedeng pagkakitaan ay napasok na niya. Alam na raw niya halos lahat at siya iyong tipong pang-business talaga. Okay sige go go go lusong na sa sapa, yan ang sabi niya e.  Pero nung tinanong ng friend ko kung tapos na ba siya hindi pa raw. Thesis na lang daw sana at titingnan pa niya kung maipagpapatuloy niya. Eh ayaw na rin daw niya mag-aral kasi pang business nga siya.

Okay sige, walang tiaga sa pag-aaral baka naman okay sa business? Sabi ng friend ko totoong marami nang napasok yon (halos lahat networking) at magaling mangulit parang you can’t say no sa kanyang mga invitation. Eh kako anong nangyari? Iniiwan din niya ang mga yon at palipat-lipat.

Kung puno ka nga ng passion sa iyong ginagawa pero wala lang patience para i-pursue ang mga ‘yon laging hanggang simula lang ang  lahat.  Walang matatatapos at walang patutunguhan.

Kaya patience Hoshi, kung gusto mo ng Peace and Prosperity!  In fairness, hirap i-sustain ha!

Risk factor

Mga Marka

decision, decision-making, risk

Isa ako sa mga taong may pagka- inconsistent at may pagka- indecisive. Hindi ko na kailangan ng taong magsasabi sa akin para kaasaran ko ang sarili ko dahil matagal ko ng na-realize ang kabagayan kong ‘yan. Pero isa lang masasabi ko, kapag umoo at kinuha ko na ang responsibility gagawin ko ang lahat para ma-fulfill ito.

Signs. isa ito sa strong point ko to explore yung possibility. Ang hirap mag-decide so play na lang sa situation. “kung-ganito-eto o kapag-ganyan-siya –eto” ang scenario. Puwede ring through panaginip or ilan ang taong naka-color blue.

Mood. May mga days na feel ko ang intense, energy at passion pero mayroon din na kahit nandoon lahat ng rason nagdadalawang isip pa. at kapag may hindi ginawa, buong week  pinag-iisipan yung what if. At mayroon ding point na masasabi ko na ‘sabi ko na nga ba e dapat naniwala ako sa instinct ko.” from 1 to 10, 6.5 yung di ko papatusin ‘pag una pa lang nagdadalawang-isip na ako.

Opinion. Parang tanga pero humihingi ako ng opinyon ng iba kahit alam ko sa sarili ko kung ano gusto ko. Parang naghahanap lang ako ng taong magbe-verify ng desisyon ko. pero kung madami naman ang magsabi na taliwas dun sa trip ko, nakikinig naman ako. Hindi ko lang sinusunod hehehe joke!

Prayer. Aminado ako na may instance na I  pray but I don’t listen and I don’t completely believe na puwedeng mangyari. Siguro one thing ng pagiging adult ay yung too much exposure  sa harsh reality na ayaw mo ng maniwala sa possibility or chance. Ang ipinagpapasalamat ko ay kahit ganoon ay sa kakarampot na paraan at kakaunting tao ay may napaghuhugutan pa rin ako ng lakas ng loob. Kasi di ba kapag nag-pray ka nagho-hope ka at hahayaan mo SIYA ang maging manager mo. Basta ie-execute mo lang dapat as a talent.

Note: Ganyan talaga ‘pag may ibang involve dapat pinag-iisipan. Sana mag-prosper ang bago kong tienes. Mabuhay!

singit

Mga Marka

attitude, conscience, virtue

Iyon ang dikta ng isipan ko kaya yon ang ginawa ko. Ngayon kung isa iyong pagkakamali o masama sige susubukan kong baguhin next time.

Noong Viernes ay nakapila ako sa mahabang hanay ng mga tao sa isang ATM machine. Iyon na kasi ang pinakamalapit at maiksi lang ang break ko.

Ang tagal kong hinintay ang turn ko nang biglang may isang ale na lumapit sa akin at sabi ay puwede ko raw ba siya paunahin kasi may something siyang dapat habulin. Hindi ko siya pinagbigyan.

Una kasi ako nga ay over break na kakahintay sa pilang ‘yon at pakiramdam ko parang hindi ko naman nirespeto yung mga nasa likuran ko na gaya ko ay nagtatyaga na maghintay. Lahat naman siguro kami may oras na kailangan i-beat hindi ba?  Pero napaisip din ako baka naman talagang importante?

Sa memorya ko, second time ko na nang nahilingan ng ganyan. Yung isa ay sa MRT. Pinagbigyan ko yung isang tao tas pagkatapos parang na-feel ko teka parang may mali. What if kuning lang yun? Buti sana kong buntis ‘yon or senior citizen eh hindi e at ang haba-haba ng pila sa MRT lagi. So dun ko na-realize na ang singit ay singit. Bow!

ambisyosa

Mga Marka

ambition, challenge, dream, experience, inspiration

Siguro nga may negative concept once na tawagin kang ambisyoso o ambisyosa. Nakarinig na rin ako niyan sa pabirong tono.  Pero kung seryoso siguro masasaktan ako lalo na kung hindi ko trip yong nagsabi.

Gaya na lamang ng isang lalaki na kamakailan ay na-meet ko ulit. Hindi naman niya ako sinabihang ambisyosa at that time pero isa sa naaalala ko sa kanya ay ng once na sabihan niya ako na parang “oh ano ha, pahiya ka no?” kasi noon napasama ako sa isang play sa school na tinatawag na chamber theater. Hirap ako sa role na pinapaganapan sa akin kasi seryoso at isa akong ambisyosang mother na gustong ikasal ang aking unico hijo sa anak ng aking amiga.

Hindi ko hiniling na i-cast ako noon. So wala sa akin noong una pero nung inumpisahan ko na i-internalize at i-memorize yung character ang mindset ko ay ito na-gusto ko na siya. Eh hindi magustuhan ng instructor/director namin yung bato ko ng linya (old English kaya ang setting).  Medyo napapaiyak ako nung sinabihan ako ng instructor namin pero kinaya ko kasi that’s part of the production pero tumulo na ang luha ko nung sinabihan n’ya ko ng tienes niya.

Ang napunta sa akin ay ang role ng amiga noon. Halos equal yung bigat ng character pero mas lamang yung first kasi mas malaman ang mga lines. Gusto ko sabihin sa instructor namin na iba na lang- backout na ako. Pero imbes na gawin ko yun, dinoble ko na  lang ang pagpi-prepare. Kahit yung linya noong amiga ko halos makabisado ko na (hanggang ngayon may iba pa akong natatandaan). Itinatak ko sa isip ko na kailangang ipakita ko sa lahat at sa lalakeng yon na walang role na hindi magiging makulay sa akin. Vindicated, pinalakpakan kami at naka-receive ako ng papuri.

Kung ibabalik ang sandali na huling nagkita kami at humaba pa ang chance na mag-usap kami gusto ko sabihin sa kanya na siguro nga ambisyosa pa rin ako.  Ang ambisyosang ito ay gumagawa ng paraan para maabot ang kanyang pangarap. At kahit sabihin natin na ang layu-layo ko pa doon at least nagta-try ako. Alin ba ang mas masakit ang malungkot dahil hindi sumubok o malungkot dahil natalo? Eh saan ka ba mas tumatatag? Bow!

Paano na kaya?

Mga Marka

analysis, dilemma, freestyle writing, how, paano

Paano na kaya

Kung pumara ang jeepney driver

Kung hindi magamot ng doktor ang kanyang sakit

Kung lady guard ang aplayan ng isang lalake

Kung ipagtapat ng magulang na sila ang ampon sa pamilya

Eh paano naman kung…

Tawagin mong sarili mong aktor/ aktres wala naman bilib sa acting mo

Pasado ka nga sa bar exam wala ka namang maipanalong kaso

Kilala kang magaling na lider pero hindi ka sinusunod ng kapatid o anak mo

Masipag ka sa pagkakawang-gawa pero sa loob ng bahay wala kang ginagawa

Wala namang ano, nagpapaano lang… hehehe!