u like adidas?

Mga Marka

chicken feet, exotic food, filipino food, paa ng manok

itinuturing na exotic food ng iba ang chicken feet, na tinatawag ding  adidas o nike ng ilan sa ‘tin.

adidas

nirerespeto ko ang mga taong ayaw kumain nito. Paa nga naman  at kung imagine-nin mo na lang kung saan nagkakahig o dumapo ang mga manok.

pero ako gustong-gusto ko ito kapag lutong adobo (sa kulay mukhang madumi pa rin hehe). Kapag nagtatanong si manang juling kung anong ulam, ‘yan talaga ang isa sa nire-request ko.  talagang kamayan to the highest level ang pagkain niyan at pabundukan ng buto sa pinggan.

at then end of the day tuwang-tuwa pa sina Bruno, Boomer, at Bossing ( mga aso namin). ewan ko lang kay Kitkat na pusa naman namin. hehe

sana lang manatiling mababa ito sa merkado at masigurong malinis kainan.

Meet my Jr.  – Hoshilandia.com

tips sa tag-init

Mga Marka

el ñino, electricity, heat, hot, summer, tips

Dear Ate Jevs,

Nabalitaan n’yo na ba na may el ñino phenomenon na ulit sa ‘Pinas , tapos magsa-summer pa. Ngayon pa nga lang po ay nakapainit na lalo na kung tinanghali ka sa iyong lakad.

Mayroon po kayong advices for el nino and papalipat na summer? Just asking lang po.

Thank you,

Damian Nato

—————–

Dear Damian,

Ay oo nabalitaan ko at kanina nga rin, worried ako na naiwan ko ang akin sunglasses at ‘di ako nakapagpahid ng sun block with SPF 15.

hello sunshine!

Mabuti ngang maging aware tayo sa ganitong klaseng bagay kasi matindi ito e.  so heto na aking tips ‘pagkat mainit.

• kapag kailangan na maglakad, ang gawin mo ay mag-mall tour ka. Nalimliman ka na, nalamigan ka pa. Basta ayusin mo naman ang suot mo, baka naman mukhang bibili ka lang ng suka.

• wear hat/ cap and sunglasses, bring umbrella and mag-spread ng sun block. Dala ka rin ng panyo o tissue, baka ma-over ka sa pagiging sweat este wet look.

• wear white  or light and cotton na damit. Kapag black or dark colors mainit sa katawan. Pero ayon sa akin nabasa, kung ang concern mo ay ‘wag mangitim mag-suot ka na nga lang ng dark kasi nagba-bounce ‘yong sunlight doon.

• uminom ng maraming tubig para hindi ma-dehydrate. Pinapauso na rin ngayon yung pagdadala ng  whatever na lalagyan ng tubig. Basta siempre ‘yung may takip at maayos ang pagkakatakip. Baka ikaw ang  malilintikan ka ‘‘pag nakabasa ka.

• ang the best way na ‘wag maarawan ng husto ay umalis ng umaga. Ang init ng araw ng around 9 am to 3pm ay hindi raw safe sa skin, ayon pa rin sa isang nabasa ko. Sige, try mong lakad ng ganitong mga oras kundi magdugo ang ilong mo.

• time na rin na i–farmville or farmtown  mo ang iyong bahay.  Yang mga kalahamanan at kapunuan na ‘yan ay hindi lamang nagbibigay ng lilim kundi fresh air and soon fresh fruits, like alatiris at chesa.

• be cautious din when it comes to electricity, mientras na mainit doon mataaas ang kunsumo.  Naku eh ang malalakas pa naman sa kuryente ay yong nagbibigay lamig like aircon, refrigerator and electric fan.

• Actually malakas din sa current ang mahahangin na tao, mabuting iwasan sila dahil nakakapang-init  sila ng ulo.

• Buksan ang mga windows para pumasok ang hangin.  actually nagdadala rin daw  ng suwerte ayon sa Feng Shui. Basta don’t forget na isara ang mga ito sa gabi. “Baka iba  pasok bahay mo. bad luck !”

• at para lalong hindi ma-feel ang matinding init,  always calm yourself. Mag-menthol candy ka muna.

Mabuhay!

Ate  Jevs

know Hitokirihoshi’s other sides -read hoshilandia.com

Wala ng kwento at paniniwala?

Mga Marka

blog, blogging, hitokirihoshi, hoshilandia

i

Salamat sa inyong lahat na nagreklamo bat ang haba-haba ng url at blogname ko!

Salamat sa mga nagtanong kung hitokirihoshi ba talaga ang real name ko.

Salamat din sa nag-inquire kung may lahing Hapon ba ako?

ii

Pero hindi man lang niyo tinanong kung… Ano ba ang gawain ko sa buhay?

My motto in life? May bf na? O may nagtatiagang BFF?

Isang hampas lupa o miembro ng alta-sosyedad?

iii

Pero salamat sa nag-abalang mag-isip kung san ko pinagpupulot ang mga ideya ko.

Salamat doon sa laging nagko-comment, concern at maging doon sa tawa lang tawa sa akin. Yung buma-boundary na sa diwa ko kung natutuwa o pinagtatawanan talaga ako nito?

Salamat doon sa basa lang ng basa, hindi naman nagko-comment at ni hindi man lang nagre-rate.

iv

sa bagay sino ba naman ako, mag-aakyat ba ako ng pera sa kaban ng bayan?

Maso-solve ko ba ang problema sa inyong puso’t isipan?

Ah baka nga pinalabo ko pa ang inyong sitwasyon at sukat na ma-realize ninyo na…Ito bang hito este prito, hitokir, yeah whatever… ay may K na maging blogger? Papanggap lang ata e.

v

well, hindi ko kayang i-please ang sinuman

Gusto ko lang sana magpasaya, ang pumukaw ng kamalayan

Nais kong ibahagi ang aking nalalaman at mga nagugustuhan

Kung di n’yo trip, okay fine! Hindi ko kontrolado feelings ninyo.

I’m just me, ang taong nagtatago sa pangalang Hitokirihoshi.

vi

Sana lang ay naisip ninyo kung gaano ko pinag-iisipan ang mga pino-post ko

Kung sinasala ko ba ang mga words ko, gumagamit ba ako ng word count o ano

Kumukonsulta ba ako sa mga batikang bloggers, editors, jurors etc

Okay di naman ako bitter, thankful nga ako diba?!

vii

pero nagtatanong na rin ako, nauubusan na ata ako ng kuwento? May pumapansin ba sa paniniwala ko? hayyyy

So sige para malaman mo ang dahilan ng pagmo-monologue kong ito..

Ito ang sagot, “BOW!”

(Tamo baka hindi mo pa i-click yang word na ‘yan, click mo na!)

…ay parang…

Mga Marka

blog, career, comparison, friendship, hoshilandia, pag-ibig, pagkatao, pakikipagkaibigan, personality, pulitika, showbiz, trabaho

ang pag-ibig ay parang halaman, minsan nagbubunga ng maganda ang iyong tinanim pero may iba rin sira,  hilaw, at baog. depende rin ‘yan kasi sa pagkakabaon ng punla o buto.

ang pulitika ay parang swimming pool, ang mga pulitikong okay kinakaya ang sistema kahit parang  mamumulikat din. Yung mga ganid, sumisisid pa talaga at nilulunok ang lumot, laway at ihi doon. pag-ahon nila its either isa na silang palakang KOkak or bouncing buwaya.

ang showbiz ay parang hagdan, ginagawang tulay sa pagsikat at pagyaman. kapag mali ka ng hakbang sa ilalim ng tulay ang iyong bagsak.

ang pagtatrabaho ay parang pagba-bike, pedal-pedal para kumita, ingat-ingat baka sumemplang.

ang ispirituwalidad ay parang salamin, ipapakita nito kung ano ang eksaktong imahe mo- kung may kulang, kung magulo o kung pleasant naman.

ang pakikipagkaibigan o pakikipagkapwa ay parang plug, kapag hindi mo i-konek sa outlet, walang current.

ang pagkatao ay parang resume, ikaw ang magtatala ng iyong experiences, educational attantaiment, extracurricular activities, skills at references. nasa sa iyo na yan kung available ka upon request. well kung wala kang mailagay, batugan ka, pag punong-puno eh eddie addict ka sa mga kabagayan.

ang hoshilandia ay parang cruise ship, kung saan-saan naglalayag at baka hindi mo alam dadaong na ito saan man sa ibayong dagat.

my (most embarrassing) shoe story

Mga Marka

embarrassing moment, experience, school, shoe, shoe store, student's life, the red shoes story

Shoe Store sa Harap ng World Of Butterflies

Noong College, mayroon akong mala-elevator and bulldog shoes na ginagamit ko everyday sa school. Minsan, nai-intimidate ako dito kasi ‘yong sa mga kaklase at schoolmates ko ay magaganda at pang-porma talaga.

Subalit, I am vindicated sa pagamit nito especially during rainy days or kung may matubig na daanan kaming pupupuntahan. Ikaw na ang magkaroon ng barkong sapatos ika nga.

Pero gaya ng barkong Titanic, my ship shoes was  sinkable too at nangyari pa ito sa first day duty ko as Peer Counselor sa aming Counseling and Testing Department. That day, nag-iingat na talaga ako sa pag-akyat sa overpass ng Morayta kasi umulan at basa ang daan.

Ang nangyari ay limang baitang pababa ay nadulas ako at sumadsad talaga. Nakakahiya kasi pinagtinginan ako ng mga tao, pati nga ‘yong binibilhan ko ng mani o mga junk foods tawa ng tawa.

Bad day talaga kasi, I was wearing my all new white uniform kasi nga sana I wanted to impress  on my first day, pero iyon naging madumi.   Na-realize ko lang na dahil sa shoes ko kung bakit ako nadulas noong mangyari ulit ‘yon sa canteen namin. Doon ko napansin na masyado na palang gasgas ang suwelas ng sapatos at hindi na kumakapit.

After noon, bumili na ako ng bagong shoes at ‘yong mababa na.  Napansin ko rin kasi lumaki ‘yong muscle ko sa binti kakagamit ng mabigat na sapatos na ‘yon.