Hoshi in Dreamland

Mga Marka

dream, past, premonition, pyschology, subconscious

Synopsis:

Kagagaling ko lang sa pagsisiesta and once again ginamitan na naman ako ng psychology sa dreamland. Nakaka-strike two na nga ako in one week. I have my own interpretation pero baka meron din kayo sa 2 dreams ko na I think ay may common denominator.

Episode 1: Beaded Necklace

Nasa mall si Hoshi with her family. Matapos niyang matawag ang pasaway niyang pamangkin, nakita niya si Pao at nakita rin siya nito. Hindi niya alam kung bakit ang unang pumasok sa utak niya ay takbuhan ito. She ran as fast as she could, lumipad ng mataas at maging invisible. But this time, magaling ang lalakeng humahabol sa kanya parang hindi n’ya matakasan.

When finally naisip niyang tapusin na ang marathon game na iyon, hinaharap niya si Pao na naging si Eli. At binibigyan siya nito ng beaded necklace.

Episode 2: YM

Sa isang common place kung san madalas namamalagi si Hoshi, napansin niyang may isang pinagkaiba rito. May isang ekstrang upuan dun na napag-alaman niyang pwesto pala ni Mike.

Naisip niyang for years wala siyang kontak dito and now, pwede na silang mag-chat araw-araw through YM. She was about to ask someone para tawagin si Mike at hingin dito ang ym nito. Subalit, hindi niya tinuloy. Ano pumasok sa utak niya? Siguro pride o wala lang…

Short and simple pero meaningful ang mga eksena sa dreamland. Pwede iyong effect lamang pag—iisip, usig ng subconscious mind, at siguro premonition. May naiisip ba kayong intepretatation sa story one and two?

Sleepless in Shuttle

Mga Marka

bus, dream, dreaming, FX taxi, shuttle, sleep, sleep disorder

Stress or may insomnia na si hoshi? Ewan basta lately especially pag may pasok, ang tulog niya ay halos nasa 4 to 5 hours na lang, ‘yon na ‘yong may quality ha.  Dati ‘di niya gaanong iniinda kung medyo kulang siya sa tulog, katwiran niya ay mas gugustuhin na niya ang kulang kaysa sobra-sobra kasi mabigat sa pakiramdam. yun nga lang parang feeling niya ay anemic na siya.

Dati, hindi s’ya makatulog pag di nakahilata sa kama, banig o folding bed.  Pero nung tumuntong na siya ng college, dahil sa puyat  at pagod sa malayo niyang pamantasan ay unti-unti na niyang nakasanayan ang matulog kahit nakaupo sa FX. Nung nagtrabaho naman na siya ay nakakaidlip-idlip na rin siya sa maalinsangan o kung minsan ay mahulamig-mig na simoy ng bus.  Dun na niya binabawi ang kanyang puyat.

Pero aminado naman si Hoshi na hindi lang naman related sa work why siya kulang sa sleep lately.  Palagi na siyang nanood ng movie. Buti na yon kesa naman sa series dava?!

porma ng mga sleepless

One secret na kanyang sinabi ay hindi raw siya yong tipong madaling makatulog. Parang it takes 10-15 minutes kahit pa nakahiga na siya and all. Part na ata ng body clock niya ang magmuni-muni bago makapaglakbay sa dreamland.  Well, unless na pagod na pagod siya o antok na antok. Hindi na nga niya matandaan kung kailan yung naging mahaba ang tulog niya na hindi pilit. Basta trip daw niyang matulog at dinadalaw na siya ng antok kaso parang ‘di naman siya makatulog ng maayos.

Another secret niya na-reveal ay nang may makitulog sa kanyang Purple Nassau. What? Si Hoshi nag-i-sleep talk. Buti na lang, hindi siya ‘yong tipong nakakabuo ng sentence. Maximum na ang two words at nagigising na siya. Minsan lang din daw yun, siguro pag sobrang stress na siya. Pero sabi isa rin daw senyales yun ng anxiety.

Tinanong ko siya baka naman over na siya sa pagkakape. Sagot niya kahit nakakadalawang 3 in 1 coffee na siya sa maghapon. Inaantok pa rin siya. Okay fine! Naisip na lang niya ay baka gumugulo na naman ang ayos ng kanyang Purple Nassau at masyado siyang abala sa kanyang ipinopostrong sari-saring biz. Well aja, jia you y mas suerte na lang sa kanya. Nawa’y masolusyunan niya ang kanyang  problema.

Ang Pinakapaboritong Nora Aunor Movies

Mga Marka

atsay, bakit bughaw ang langit, bona, bulaklak ng city jail, CNN, eddie garcia, Filipino actress, filipino films, gil portes, himala, ina ka ng anak mo, Ishmael Bernal, joel lamangan, lino brocka, Lupita Kashiwahara, mario 'o hara, Merika, Minsa'y may isang gamu-gamo, nora aunor, old film, Pinay actress, tatlong taong walang dios, the flor contemplacion story

At last may nakita na po akong video rental shop na malapit. At ang isa sa mga unang pelikula na aking hiniram ay ang huling commercial film ng tinaguriang Superstar ng local cinema na si Nora Aunor.

Ang Naglalayag ay pelikula niya kasama sina Yul Servo, Aleck Bovick, Jaclyn Jose, Chanda Romero, Irma Adlawan, at Celia Rodriguez. Hindi ko type ang istorya kasi di ko masakyan pero hindi ko naman sinasabing pangit. Siguro nga ay effective si Nora rito kasi kahit papaano napa-isip talaga ako kung what if ay mangyari rin sa akin na umibig ako sa isang mas bata sa akin, tipong mga dekada.

Mas gusto ko pa rin ang mga luma niyang pelikula na napanood ko – Ang Minsa’y May Isang Gamu-gamo, The Flor Contemplacion at Himala. Interesado naman akong mapanood ang kanyang Ina ka ng anak mo, Bona at Tatlong taong walang Diyos.

Samantala narito naman po ang countdown ng Pinakapaboritong Nora Aunor Movies na itinampok sa Ang Pinaka.

10. Merika (1984 at directed by Gil Portes)

9. Bulaklak sa city jail – (1984 at directed by Mario O’ Hara)

8. Bakit BUghaw ang langit, (1981, dinirek ni Mario ‘O Hara)

7. Atsay (1978, dinirek ni Eddie Garcia)

6. The Flor Contemplacion Story (1995, dinirek ni Joel Lamangan)

5. Ina ka ng anak mo (1979, dinirek ni Lino Brocka)

4. Bona (1980, dinirek ni  Lino Brocka)

3. Minsa’y isang gamu-gamo (1976, dinirek ni Lupita Kashiwahara)  ito ay tungkol sa isang nurse na mangingibang bansa na sana papuntang Amerika. Pero nabaril ang kanyang kapatid ng mga air force na kano.  Dito nagmula ang linyang

“My brother is not a pig, my brother is not a pig. Ang kapatid koy’ tao. Hindi baboy damo.

2. Tatlong taong walang Diyos (1976, sinulat at dinirek ni Mario O’ Hara)

1. Himala, (1982, dinirek ni Ishmael Bernal)–

kwento ito ni Elsa na di umano’y pinapapakitaan ng Mahal na Birhen at nakapanggagamot. Dumating ang puntong nawalan na umano siya ng kapangyarihan at sinisisi siya sa pagkamatay ng kanyang matalik at tagasuportang kaibigan. Anong nangyari? Panoorin ninyo.

Dito nagmula ang linyang “Walang himala, ang himala ay nasa puso ng tao, nasa puso nating lahat. Tayo ang gumagawa ng mga himala, tayo ang gumagawa ng mga sumpa, ng mga dios.”

At para sa mga hindi pa nakakaalam ang Himala ay kinilala ng CNN APSA Viewers Choice Award bilang Best Asia Pacific Film of all time . Tinalo nito ang Seven samurai ng Japan (2^nd place) at   sikat na Crouching Tiger Hidden Dragon ni Taiwanese director Ang Lee at co production ng China, Hong Kong, Taiwan, at United State.

iThank U… bye bye muna

Hitokirihoshi’s Official statement

dumating sa aking buhay na kailangan ko ng magdesisyon… mabilis ko itong pinag-isipan kahit alam kong maraming pwedeng mangyari at marami akong isasakripisyo.

pansamanatala po ay  puputulin ko ko muna ang communication and connection ko sa ibang tao… bye bye na na rin muna sa aking kinahihiligang paniniltrato o pagkuha ng picture (papasa ng basic photography)… at sa mga susunod na araw, nakikinita-kita ko na rin  na mahihirapan na akong bumangon. Baka nga rin maguluhan na ako sa mga petsa e.

Napagtanto ko po… na malaking bahagi ng aking pagse-cellphone ay music… pag di nababasa ang laman ng memory card… wala akong ganang gumamit, eddie wala ng kwentang mag-cp.

may nagsabi sa akin eh bat d ako mag -iPod, ang sagot ko lang ay ” ayoko! Sa cp may music ka na may nadudotdot ka pa. YUn lang iThank U!

Confession of a slayer

Mga Marka

dengue, health, illness, killing, lamok, mosquito, sickness, slaying

Dear Ate Jevs,

Sisimulan ko ang aking kwento noong 1995 kung kailan ako naospital. Sa loob ng ilang araw na naburo at nakakadama ako ng sakit, unti-unting nabuo sa aking isipan ang masidhi kung pagnanasang pumatay.

Pagsapit ng dilim o kahit sa tanghaling tapat, kapag may nararamdaman ako sa aking binti… naroon ang bugso ng aking damdamin. Napopoot ako at gumagawa ako ng paraan para pumaslang.  Gusto ko ang makakita ng dugo, gusto ko madami at mas matinding paraan ang nagamit ko, mas ikakasiya ko.

Nag-umpisa ako sa paggawa ng bitag sa aking mga biktima. Isa sa mga una kong ginamit ay ang pagpapaamoy ko muna sila ng ¹isang bagay na kung saan unti-unti silang mahihilo at kalaunan ay mamatay. Ginamit ko rin ang technique na itinuro ng aking tiyahin, ang pagpahid ng gamit na gamit na mantika sa ‘di na ginagamit na plato. Sa pamamagitan noon, madali akong nakakadale at hindi na sila nakakawala sa aking maitim na balak.

Pero nagkaroon din ng pagkakataon na kusang lumalapit na sa akin ang aking mga biktima at napapatay ko sila ng ‘di sinasadya.  Naisip ko na rin na kailangan kong pigilan ang aking sarili at iwasan sila. Bumibili ako ng ² gamot, matama ko ‘yong pinapahid sa aking binti at hita, oras na umaatake ang aking topak.

Ngayon nate-tempt na naman ako na pumatay, lalo na’t kakunstaba ko na ang aking buong pamilya. Mayroong kaming pinakabagong kinahuhumalingan na pampatay.

Oh ‘di ba para lang kaming naglalaro pag pumapatay ng lamok… ganda pa niyang spark lang ng spark habang tintetepok ang mga lamok.

June Antonio

——–

Dear June,

Ewan ko sa iyo June, tinakot mo ako, iyon lang pala. Hahaha! Pero mabuti ngang puksain ‘yang mga yan dahil mahirap magka-dengue lalo na’t tag-ulan ngayon.  Alam mo bang ang dengue ay pwede kang patayin in one week kung hindi maagapan?

Kaya po mga ka-Hoshilandia, ingat po palagi at panatilihin ang kalinisan sa inyong kabayahan. Lahat ng iniimbak na tubig ay takpan at linisan ang mga kanal. Isang sintomas na ng dengue ay pananakit ng tiyan at tuloy-tuloy na lagnat.

Ayon sa aking pagkakatanda, ‘yong mga nagkakaroon ng red rushes or spots (maliit masyado) ay third stage na at kapag nilabasan na ng dugo ang ilong o bibig, 4^th stage na ‘yon. Kapag ganun malala na ang dengue at maaari ng mabingit sa kamatayan.

Paalala ng inyong abang lingkod,

Ate Jevs

Note

¹ katol

² off lotion